समाचार

‘केवलकार चढेर जब दृष्टिवीहिन मनकामना पुगे’ (फोटो फिचर)

बलराम प्यासी
काठमाडौं, कार्तिक । जिव्रो नहुनेले खाने कुराको स्वाद कसरी लिन्छ होला ? मन या मष्तिष्कबाट ? सर्वसाधारणले सोच्ने यही हो । त्यस्तै दृष्टिवीहिनहरुले नयाँ ठाउँ र कुनै वस्तु या सुन्दरीकोे सुन्दरताको मुल्यांकन कसरी गर्ला ? पक्कैपनि भन्न गाह्रो हुन्छ ।
तर त्यसो भन्दैमा दृष्टिवीहिनलाई नयाँ ठाउँ देखाउनु या नयाँ सामान किनीदिनु पर्दैन भनेर कसैले भन्छ भने त्यो दृष्टिवीहिनका लागि सरासर अन्याय हुन्छ । साधारण व्यक्तिले जस्तै दृष्टिवीहिनले वाहिरी नजरले देख्न नसकेपनि भित्री नजर अर्थात आत्माले भने आफुले चाहेको ठाउँको दृष्यावलोकन गर्दै त्यसमा ऊ रमाउन सक्छ भन्ने कुरा प्रमाणित भएको छ ।
एकदर्जन दृष्टिवीहिन व्यक्तिले शनिबार गोरखा जिल्लाको प्रशिद्ध मनकामना मन्दीरको दर्शन मात्रै गरेनन, केवलकार चढेर त्यसको आनन्द समेत लिन भ्याए । ‘केवलकार चढ्न पाउँदा उनीहरु निकै खुसी देखिन्थे ।
त्यतिमात्रै होइन, केवलकार चढेर सेतो छडीको सहायतामा मनकामना मन्दीरको दर्शन गर्न पाएपछि उनीहरुले आफ्नो जीवनको सबैभन्दा खुसी पाएको बताउँदै निकै नाचगान समेत गरेको’ उनीहरुलाई मनकामना लैजाने टोलीकी संयोजक प्रेमसुन्दरी श्रेष्ठले भनीन ।
टोलीमा १९ देखि ४० वर्षसम्मका १२ जना दृष्टिवीहिन, २ जना शारिरीक अपांग, केही सुस्तमनःस्थिति भएका व्यक्ति समेत सामेल थिए । मन्दीर दर्शन गरेर फर्केपछि उनीहरुलाई आफुसंगै लगेको खानेकुरा पकाएर खुवाइएको थियो ।
‘मनकामना जाने कति दृष्टिवीहिनको त भाकल नै रहेको पायौं’ उनले भनीन । मन्दीरको दर्शन गरेपछि उनीहरु नाचनाग गर्दै रमाएनन मात्रै धेरै अघिदेखि मनकामना मन्दीर जाने आफ्नो भाकल समेत पुरा भएकोमा उनीहरु निकै खुसी भए ।


धुप बनाउनका लागि आवश्यक पर्ने काँचो धागो डल्लो बनाउने रोजगार दिएकी स्थानीय युवा समाजसेवी प्रेमसुन्दरी श्रेष्ठसहितको टोलीमा ठिमीदेखि नै रिजर्भ गरेको बसमा चढेर केवलकार चढ्दै मनकामना दर्शन गर्न पुगेका थिए ।

ती दृष्टिवीहिन सानोठिमी क्याम्पसमा ब्रेल लिपीबाट विभिन्न विषय अध्ययन गरी मध्यपुर ठिमीको द्विगुटोलमा तीनै प्रेमसुन्दरी श्रेष्ठको कारखानामा रोजगारी गर्दै आएका छन् । उनीहरु मध्यपुर ठिमीकै हाखावजार र सानोठिमी लगायतका क्षेत्रमा बस्दै आएका छन् ।

‘मासिक तलवबाट एकसय रुपैयाँ कटाउने शर्तमा उनीहरुबाट केवलकार र बसको भाडा गरि जनही ८ सय २० रुपैयाँ उधारोमा लगेका हौं’ रोजगारदाता श्रेष्ठले भनीन् । ‘अरु खर्चको साथै खानपीनको व्यवस्था हामीले आफैं गरयौंं’ उनले भनीन । धुप बनाउने वत्तिको लागि आवश्यक पर्ने काँचो धागो डल्लो पारेर उनीहरु अहिले दैनिक २ सय ५० रुपैया कमाइरहेका छन् ।
शनिबारको दिन बढी भीड हुने केवलकारमा दृष्टीविहीन, अपांग र सुस्तमनस्थिति भएका व्यक्तिलाई लाममा समेत नराखी मनकामना दर्शन प्रालिले केवलकारको टिकटमा ५० प्रतिशत छुट दिएको थियो भने मनकामना मन्दीरमा दर्शन गर्न उनीहरुलाई लाइन बस्नु परेन ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।