समाचार
एउटी महिलालाई वज्रपात, एकैदिन पति र नवजात छोरी गुमाइन्
बलराम प्यासी
काठमाडौ । नियतीले मानिसलाई ठगेपछि कसैको केही लाग्दैन । भाग्यले ठगिएपछि आफ्नो जीवनमा घटेको अपुरणीय क्षतिको पीडा भोग्नुपरेको छ रामेछापको दोरम्बा गाउँपालिका वडा नं ५ रजमनटारकी २७ वर्षिया रीमीता श्रेष्ठलाई अहिले ।
साउनको पहिलो हप्तासम्म सुखैसुखले भरिएको जीवनमा एकैचोटी दुईवटा बज्रपात परेपछि उनी अहिले रुन पनि सकिरहेकी छैनन । हाँस्ने कुरा त अब उनको जीवनबाट कोशौं टाढा भागेको छ । व्रत बसेर पतिको आयु बढाउने साउन महिनामै पति नै गुमाउनुपर्ला भनेर उनले रत्तिभर सोचेकी थिइनन ।
पतिमात्रै होइन दोस्रो सन्तानको रुपमा भर्खर जन्मिएकी छोरीलाई घमा लगेर न्वारान गर्न पनि नपाउँदै अस्पतालबाटै सदाको लागि विदा गर्नुपर्यो । एकैदिनमा दोहोरो पीडा बोक्न वाध्य पत्नि र नवजात शिशुकी ती आमाको वेदना अहिले कसैले पनि तुलना गर्न सकिरहेको छैन । जीवनमा एकैचोटी दुईवटा वज्रपात परेर कहिल्यै निको नहुने पीडा खप्न विवश रीमिता यतिखेर आफ्नो पति र नवजात छोरीको किरीयामा बसेकी छिन ।
लामो समयदेखि कतार एयरवेज कतारमा सुपरभाइजरको काम गर्दै आएका रीमीताका २८ वर्षे पति इन्द्र श्रेष्ठ दोस्रो सन्तान जन्मिने हर्षको बेला पारेर बिदा लिई कतारबाट गत असार २८ गते काठमाडौ उत्रिएका थिए । कोटेश्वरमा भाडामा बस्दै आएकी रीमीता पति काठमाडौ आएपछि उनको खुसीको सीमा नाघेको थियो । बाबुको आँखै अगाडि आफ्नो दोस्रो सन्तान जन्मिने भयो भनेर उनी दंग थिइन । तर उनको खुसीको सीमा पति फर्केको तीन हप्ता पनि टिक्न पाएन ।
इन्द्र काठमाडौ आएको आठौं दिनमा पाटन अस्पतालमा रीमिताको कोखबाट साउन ५ गते दोस्रो सन्तानको रुपमा छोरी जन्मिन् । जन्मिँदादेखि नै मुटुको भल्वमा समस्या देखिएपछि नवजात शिशुलाई पाटन अस्पतालको आइसियुमा राखेर उपचार गरिराखेको थियो ।
छोरी जन्मेको खुसी एकातिर र त्यति सानी नानीको मुटुमा समस्याको पीडा अर्काेतिर बोकेर रातभरी सुत्केरी पत्नि रीमीतालाई कुर्न पाटन अस्पताल बसेका इन्द्र भोलिपल्ट एकाविहानै मोटरसाइकल चढेर कोटेश्वर डेरामा जाँदै थिए ।
बालकुमारी पुलबाट कोटेश्वर चोक नपुग्दैको चक्रपथमा बनेको नयाँ आकाशेपुलमुनि उनी चढेको बा ७२ प २४७५ नंको मोटरसाइकल एक्कासी पल्टियो र उनी टाउकोमा गम्भीर चोट लागेर घाइते भए । एकाविहानै तीव्रगतीका कारण मोटरसाइकल दुर्घटना भएको प्रहरीको भनाई छ ।
कोटेश्वर प्रहरीले उनलाई तत्कालै उपचारको लागि काठमाडौ मेडिकल कलेज सिनामंगल लग्यो । अस्पतालका चिकित्सकले तत्काल उनको उपचार शुरु गरे । उनको टाउकोमा जमेको रगत भोलिपल्ट शल्यक्रिया गरि निकालेपछि इन्द्र होसमा आएका थिए । र, केही दिनपछि उनी खान र बोल्न पनि थाले ।
उता पाटन अस्पतालमा १२ दिन राखेर उपचार गरेपछि पनि नवजात छोरीको स्वास्थ्यमा सुधार नभएपछि तत्काल शल्यक्रियाको लागि उनलाई साउन १८ गते गंगागाल हृदयकेन्द्रमा लगियो । शल्यक्रियाकै क्रममा जन्मेको १४ औं दिनमा साउन १९ गते ती नवजात छोरीको मृत्यु भयो ।
उता काठमाडौ मेडिकल कलेजमा शल्यक्रिया गरि होसमा आएर खानपीन गर्न थालिसकेका इन्द्र अचानक फेरी वेहोस भए । उपचारका क्रममा उनलाई निमोनिया भएको पत्ता लागेर त्यसको उपचार शुरु नहुँदै साउन १९ गते नै नवजात छोरीका पिता अर्थात इन्द्रले पनि यो संसार त्यागे ।
साउनको पहिलो हप्तासम्म उत्साह र उमंग भरिएको भविश्यको कल्पनामा रमाएकी रीमीतालाई साउन १९ गते अब कहिल्यै पनि दोहोरिएर नआओस जस्तो लागेको छ । किनकी त्यसै दिन उनले आफ्नो शौभाग्यको रुपमा रहेका पति र लक्ष्मीको रुपमा भित्रिएकी नवजात छोरी दुवै गुमाउनुप्रयो ।
मुटुको भल्वको शल्यक्रिया गर्दागर्दै मृत्यु भएकी नवजात छोरीको शव शनिबार नै अन्तेष्टि गरियो । इन्द्रको शवको पोस्टमार्टम गरेपछि साउन २२ गते आइतबार पशुपतिमा दाहसंस्कार गरियो ।
उस्तै उस्तै खबरहरु
-
वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो
विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।
-
ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ
न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् ।
न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।
-
नेवाः गुठी न्यूयोर्कले मनायो विश्व नेवाः दिवस
न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ ।
गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।
-
ललितपुरका मयेर चिरिबाबुलाई न्यूयोर्कमा स्वागत
न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ ।
न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।
-
नेजाको साधारण सभा बोस्टनमा
नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ ।
टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।
-
तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान
अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ ।
न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।
Comments