समाचार

व्यवहारिक ज्ञान बटुल्न गहुँ काट्न व्यस्त विद्यार्थी

काठमाडौ,  जेठ । यतिखेर धेरैलाई मत परिणामले ध्यानाकर्षण गरेको छ । बैशाख ३१ गते सकिएको स्थानीय तहको चुनावको हारजीतका खबर सुनेर कोही रमाइरहेका छन त कोही सुस्ताईरहेका छन् । हार्नेहरु जोड घटाउमा छन् ।

तर काठमाण्डौको शान्तिनगरस्थित बेबिलोन नेशनल स्कुलका ७ कक्षाका विद्यार्थीहरु चुनावको नतिजामा पटक्कै चासो नराखी सुर्यविनायक पारीको गाऊँ गुण्डुको एउटा खेतमा पसिना चुहाउँदै पाकेको गहुँ काट्न व्यस्त थिए । कितावमा पढेका शिक्षाको व्यवहारिक ज्ञान लिन निहारिका राई सम्पदा चापागाई, सीमान्त थापा, प्रशान्त घिमिरे, जेनिका राई र सुदिक्षा ठकुरीलगायत ३१ विद्यार्थी गुण्डुको गाउँमा पुगेका थिए । टोलीमा प्रिन्सिपल राईको साथै अभिभावक संयोजक कमला केसी र माध्यमिक संयोजक अनिल भट्ट टोलीमा सहभागी थिए ।

गहुँ काट्नमा केही विद्यार्र्थी व्यस्त थिए त केही काटेको गहुँको बोटलाई चिसो परालले बाँधेर मुठ्ठा पार्दै थिए । एकछिनपछि ती विद्यार्थीहरु आफुले काटेको गहुँको मुठ्ठालाई काँधमा बोकेर लामवद्ध हुँदै खेतको कान्ला र गोरेटो बाटो हुँदै खेत धनी निरेन्द्र कार्कीको घरसम्म काँधमा बोकेर पुर्याए ।

यसअघि उनीहरुले भर्खरै आलु खनेर बाँझो भएको खेतको केही भागमा खनेर घाँस उखेले अनि २ ड्याङ्ग बनाएको ब्याडमा धानको वीउ पनि छरे । त्यो धान राम्रारी उम्रेपछि राष्ट्रिय धान दिवसका अवसरमा तिनै विद्यार्थी गुण्डुमा पुगेर धान रोप्ने कार्यक्रम रहेको छ ।

यतिखेर समाजमा कितावी शिक्षा लिने धेरै विद्यार्थी छन, तर परेको बेलामा उनीहरुलाई केही पनि गर्न आउँदैन, न खाना पकाउन÷तरकारी केलाउन, न खेतबारी खन्न जोत्न, न आफुले लगाएको लुगा धुन नै,, न कोही विरामीलाई अस्पताल पुरयाउन ।

विद्यार्थीहरु धेरै अल्छी हुन थालेपछि राजधानीका केही विद्यालयले आफ्ना विद्यार्थीलाई यस्तै व्यवहारिक शिक्षा दिन शुरु गरेको छ । ‘खेतबारीमा विद्यार्थीलाई सहभागी गराएपछि किसानले कति मिहेनत गरेर अन्न उब्जाउ गर्छ, अन्नको महत्व के छ ? खाद्यान्न कसरी उब्जनी हुन्छ, त्यसको रेखदेख र सुसार कसरी गरीन्छ खानेकुराको महत्वबारे सबै सिक्ने मौका पाउँछन’—बेबिलोन नेशननल स्कुलका प्रिन्सिपल राजु राईले राजधानीसंग भने ।

‘गाउँका विद्यार्थी यस्तै खेतबारीमा काम गर्दै हुर्केका हुन्छन, तर शहरका विद्यार्थीलाई सिकाउन यसैगरि गाउँका खेतमा लैजानुपर्ने भएको हो’—प्रिन्सिपल राईले भने । यतिखेर राजधानीका विद्यार्थीहरु फुर्सदमा फेसबुक र मोवाइलमा अनावश्यक कुरामा व्यस्त हुने गरेको र अभिभावकहरुले पनि केटाकेटीलाई त्यति चासो दिने नगरेको राईको गुनासो थियो ।

खेतमा पसिना चुहाँउदै धानको वीऊ छर्ने र गहुँ काटेर बोक्ने काम सकेपछि उनीहरुलाई खेतधनीकै घरमा दही चिउरा र तरकारी खुवाएर विदाई गरिएको थियो ।

 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।