समाचार

आईजीपीमा अर्याल नियुक्त, दर्ज्यानी चिन्हसँगै पदभार ग्रहण

काठमाडौं, चैत । सरकारले डिआइजी प्रकाश अर्याललाई आईजीपीमा नियुक्त गरेको छ ।सोमबार साँझ बसेको मन्त्रीपरिषद बैठकले दोस्रो वरियतामा रहनु भएका डिआइजी अर्याललाई आईजीपीमा नियुक्त गर्ने निर्णय गरेको हो ।  मन्त्रिपरिषदको सोमबार रातिको बैठकले नियुक्तिको निर्णय गरेलगत्तै अर्याललाई महानिरीक्षकको दज्र्यानी चिह्न प्रदान गरिएको छ । त्यसलगत्तै अर्यालले पदभारसमेत ग्रहण गरेका छन् ।
गृहसचिव लोकदर्शन रेग्मीले राति नै मन्त्रालयका अधिकारी, नेपाल प्रहरी, सशस्त्र प्रहरी र राष्ट्रिय अनुसन्धान विभागका प्रमुखसहितका उच्च अधिकारीहरूलाई बोलाएर अर्याललाई महानिरीक्षकको दज्र्यानी चिह्न लगाइदिएका थिए । त्यसपछि अर्याल राति नै प्रहरी प्रधान कार्यालय गएर पदबहाली गरेका थिए । उक्त अवसरमा प्रहरीका उच्च अधिकारीको पनि उपस्थिति थियो । 
यसअघि सरकारले  गत फागुन १ मा डीआईजी जयबहादुर चन्दलाई महानिरीक्षक नियुक्त गरेपछि राजनीतिक दवावका आधारमा आईजीपी नियुक्त गरिएको भन्दै सरकारविरुद्ध अधिवक्ता कपिलदेव  ढकालले सर्वाेच्चमा रिट दायर गरेपछि अदालतले सो निर्णय खारेज गरेको थियो  । पहिलो बरियतामा रहेका डिआइजी नवराज सिलवालले पनि चन्दलाई आईजीपी बनाउने निर्णय विरुद्ध सर्वोच्चमा रिट दायर गरेका थिए । तीन साताअघि सर्वोच्च अदालतले उक्त निर्णय उल्ट्याइदिएको थियो । सर्वोच्चले कार्यसम्पादन मूल्यांकन ख्याल नगरी मन्त्रिपरिषद्ले महानिरीक्षक नियुक्ति गर्नु विधिसम्मत नभएको भन्दै कार्यसम्पादनका आधारमा पुनस् नियुक्ति गर्न चैत ८ गते आदेश दिएको थियो । अर्याललाई नियुक्त गर्नुअघि गृह मन्त्रालयका उच्च अधिकारीसहितको टोली चार डीआईजीको कार्यसम्पादन मूल्यांकनसम्बन्धी फाइल हेर्न सर्वोच्च अदालत र लोक सेवा आयोग पुगेको थियो । कार्यसम्पादनको नम्बर हिसाब गरी वरिष्ठताको टुंगो लगाउन मन्त्रिपरिषद्ले महान्यायाधिवक्ताको संयोजकत्वमा गृह सचिव, प्रधानमन्त्री कार्यालयका सचिव, कानुन सचिव र निमित्त महानिरीक्षक रहेको पाँच सदस्यीय समिति बनाएको थियो ।
उक्त समितिले महानिरीक्षकको दौडमा रहेका चार डीआईजीको कार्यसम्पादन मूल्यांकनको नम्बरमाथि छलफल गरेर मन्त्रिपरिषद्मा निर्णयार्थ फाइल पेस गरेको थियो । त्यसैका आधारमा मन्त्रिपरिषद्ले डीआईजी अर्याललाई महानिरीक्षकमा नियुक्त गरेको हो । मन्त्रिपरिषदको उक्त बैठकमा उपप्रधान तथा गृहमन्त्री विमलेन्द्र निधि भने उपस्थित थिएनन् ।
नवनियुक्त महानिरीक्षक अर्याल २०२० असार १४ गते दाङको त्रिभुवन नगरपालिका ११ मा जन्मेका हुन् । २०६९ पुस ४ मा डीआईजीमा बढुवा भएका अर्यालले पछिल्लो केही समय महानगरीय ट्राफिक प्रहरी महाशाखाको जिम्मेवारी सम्हालेका थिए । त्यसपछि प्रहरी प्रधान कार्यालयअन्तर्गतको अपराध अनुसन्धान विभागको प्रमुखमा सरुवा भएका थिए । उनले त्रिभुवन विश्वविद्यालयबाट एमबीए गरेका छन् ।  
यसअघि महानिरीक्षक नियुक्तिको विवादमा फसेको सरकारले प्रहरी नियमावली नै संशोधन गरेर प्राविधिक तहका एआईजी दिनेशचन्द्र पोख्रेललाई निमित्तको जिम्मेवारी सुम्पेको थियो । नेपाल प्रहरी दुई महिनायता निमित्तको भरमा चलेको थियो । 

 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।