मनोरंजन

कलाकार स्व. स्वारको नाममा १५ हजार राशीको पुरस्कार

कैलाली, माघ । नेपाली कथानक चलचित्रहरु जुनी, जीवन रेखा लगायतमा सफल चरित्र अभिनेताको भूमिका निभाएका कलाकार स्व.बलमान सिंह स्वारको नाउँमा उनकी बहिनी प्रा.सुश्री इश्वरी स्वारले १५ हजार रुपैयाँ राशीसहितको बलमान सिंह सेवा पुरस्कार स्थापना गरेकी छिन । 
एकलाख रुपैयाँको अक्षयकोष स्थापना गरी शुरु गरिएको सो पुरस्कारमा नगद १५ हजार, पदक र प्रमाणपत्र रहेको छ । आफ्नो पेशाप्रति दत्तचित्त र इमान्दार भई काम गर्ने पहलमान सिंह मेमोरियल विद्यालय कैलालीका एकजना शिक्षकलाई प्रदान गर्ने गरी सो पुरस्कार स्थापना गरिएको हो । कलाकार स्व.स्वार सो विद्यालयको संस्थापक अध्यक्ष थिए । उनको २०६९ असार १९ गते निधन भएको थियो । हरेक दुई÷दुई वर्षमा उत्कृष्ट शिक्षकलाई प्रदान गर्ने गरि सो पुरस्कार स्थापना गरिएको सो विद्यालय व्यवस्थापन समितिकी अध्यक्ष समेत रहेकी प्रा.स्वारले बताएकी छिन ।
पुरस्कार स्थापनाको पहिलो वर्ष पहलमानसिंह मेमोरियल मावि अम्बासा—५ कैलालीका शिक्षक प्रेमप्रसाद जोशीलाई सो पुरस्कार प्रदान गरिएको छ । कैलालीका जिल्ला शिक्षा अधिकारी मानसिंह विष्ट तथा विद्यालय व्यवस्थापन समितिका अध्यक्ष प्रा.स्वारले नगद तथा प्रशंसापत्र सहितको सो पुरस्कार विद्यालयको ३२ औं वार्षिकोत्सवका अवसरमा शिक्षक जोशीलाई प्रदान गरेका थिए ।
यसैगरी विद्यालयमा २९ वर्ष अध्यापन गरेका अर्का शिक्षक प्रेमप्रसाद सुवेदीलाई दीर्घ सेवा पदक पनि प्रदान गरियो । यसका साथै विद्यालयमा स्थापना गरिएको मनोरमा—पहलमान छात्रवृत्ति, पदम—इन्दु स्वार छात्रवृत्ति, त्रिपुरा—भोजराज स्वार छात्रवृत्ति, लोकराज स्वार छात्रवृत्ति र इला—सुशिला स्वार छात्रवृत्ति पनि प्रदान गरियो । विद्यालयको ३२ औं वार्षिकोत्सवकै अवसरमा शिक्षासेवी पुष्कर बम तथा विद्यालय व्यवस्थापन समितिका सदस्य हरिप्रसाद जोशीले जेहेन्दार तथा उत्कृष्ट विद्यार्थीलाई नगदसहितको ती छात्रवृत्ति वितरण गरेका थिए ।
विद्यालयमा चालु शैक्षिक सत्रदेखि कक्षा ६ सम्म अंग्रेजी माध्यमबाट पढाई भईरहेको उल्लेख गर्दै यसैपालिदेखि वनस्पति विज्ञानमा प्राविधिक एसएलसीको पढाई शुरु गरिएको विद्यालयका प्रधानध्यापक नारायणसिंह मेहराले बताए ।

उस्तै उस्तै खबरहरु

  • बक्स अफिस म्यूजिक भिडियो अवार्ड ३० विधामा, तयारी धमाधम

    बक्स अफिस म्यूजिक भिडियो अवार्ड ३० विधामा, तयारी धमाधम काठमाडाैं, जेठ । नेशनल बक्स अफिस म्यूजिक भिडियो अवार्डको तयारी तीव्र पारिएको छ । गत वर्षदेखि यो वर्षको बैशाखसम्म सार्वजनिक भएको विभिन्न गीत संगीतहरुलाई छनोट गरी बक्स अफिस म्यूजिक भिडियो अवार्ड प्रदान गर्न लागिएको आयोजक संस्था बक्स अफिस इन्टरनेशनल ग्रुपका अध्यक्ष रामबहादुर सुवेदी (आर.के.)ले बताए ।

  • नायक शिवले बनाउने भए ‘एउटा यस्तो प्रेम कहानी’

    नायक शिवले बनाउने भए ‘एउटा यस्तो प्रेम कहानी’ काठमाडौं, २ बैशाख । पुराना नायक शिव श्रेष्ठ पनि चलचित्र निर्माणमा जुटेका छन् । हालै काठमाडौंमा भएको एक कार्यक्रममा उपराष्ट्रपति नन्दकिशोर पुनको उपस्थितिमा चलचित्र ‘एउटा यस्तो प्रेम कहानी’को शुभ मुहूर्त गरिएको हो ।

  • ब्लकबस्टर अवार्ड भव्यरूपमा सम्पन्न

    ब्लकबस्टर अवार्ड भव्यरूपमा सम्पन्न काठमाडौं, ३० चैत । बक्स अफिस फिल्मी क्लब नेपालको आयोजनामा ‘ब्लक बस्टर अवार्ड’ भव्यरुपमा सम्पन्न भएको छ । नयाँ वर्ष २०७५ सालको शुभकामना आदानप्रदानसँगै यो वर्षभरी प्रदर्शनमा आएका सफल चलचित्रका निर्माता तथा निर्देशकहरुलाई अवार्ड प्रदान गरिएको हो ।

  • बेलतायबाटै समाजसेवामा नेपाली चेली प्रसुना

    बेलतायबाटै समाजसेवामा नेपाली चेली प्रसुना काठमाडौं, चैत । लामो समयदेखि बेलायत बसेर आफ्नो छुट्टै पहिचान बनाएकी नेपाली चेली प्रसुना कँडेल पेशाले नर्स हुन् । नेपाल नर्सिङ एसोशिएसन यूकेकी अध्यक्ष समेत रहेकी उनी विरामीहरुको सेवामा अहोरात्र खटिन्छिन् । त्यतिमात्र नभएर उनी बहुमुखी प्रतिभाकी धनी छिन् ।

  • राधे औसत चलचित्रः निर्माता सुशील पोखरेल

    राधे औसत चलचित्रः निर्माता सुशील पोखरेल काठमाडौं, १२ चैत । नयाँ वर्ष २०७५ को अवसर पारेर आयोजना हुन लागेको ब्लक बस्टर अवार्डको मनोनयनमा छनोट भएका एक दर्जन बढी चलचित्रभित्र पर्न सफल चलचित्र हो– राधे । वि.स. २०७४ सालमा प्रदर्शनमा आएका चलचित्रहरुको व्यावसायिक सफलतालाई मध्यनजर गरेर ब्लकबस्टर अवार्ड प्रदान गर्न लागिएको हो ।

  • ‘उल्झन’को बेल्जियम र बेलायत प्रिमियर भव्य

    ‘उल्झन’को बेल्जियम र बेलायत प्रिमियर भव्य काठमाडौं, चैत । आफ्नो मातृभूमि छोडेर विगत लामो समयदेखि बेल्जियममा कर्म थलो बनाएका नायक बेनीज्योति ढुंगाना र निर्माता तेजेन्द्र कँडेलले पछिल्लो पटक निर्माण गरेको चलचित्र उल्झनले बेल्जियम र बेलायतमा प्रिमियर शो सम्पन्न गरेको छ ।