समाचार

न्यूयोर्कमा तामाङ समुदायको वृहत्त सम्मेलन हुँदै

सोनाम ल्होछार भव्यरुपमा मनाइयो

न्यूयोर्क– ‘तामाङ सोसाइटी अफ अमेरिका’ले न्यूयोर्कमा सोनाम ल्होछार भव्यरुपमा मनाएको छ । हरेक माघ–१५ मा मनाइने सोनाम लोसारलाई तामाङ समुदायले नयाँ वर्षको रुपमा मनाउँछन् । अमेरिकामा रहेका तामाङ समुदायले पनि ल्होछारको अवसरमा बृहत् सास्कृतिक कार्यक्रमको आयोजना गरी नयाँ वर्षको शुभकामना आदनप्रदान गरे ।

मौलिक लोक संस्कृति झल्किने पोसाकमा कलाकारहरुले आफ्नो प्रस्तुति दर्शकमाझ पस्केका थिए । कार्यक्रममा अमेरिकामा रहेको तामाङ समुदायका व्यक्तित्वहरुका साथै नेपालीहरुको उल्लेख्य उपस्थिति रहेको थियो । कार्यक्रमबाट संकलित रकम तामाङ कल्चर सेन्टरको भवन निर्माणमा खर्चिने सोसाइटीले जानकारी दिएको छ ।

यसैबीचर ल्होछारको पूर्वसन्ध्यामा भएको उत्तर अमेरिकी तामाङ सम्मेलनको बैठकले आगामी मे २० र २१ तारिखका दिन न्यूयोर्कमा वृहत सम्मेलनको आयोजना गर्ने  निर्णय गरको छ । तामाङ  सोसाइटी अफ अमेरिकाको पहलमा भएको उत्तर अमेरिकी तामाङ सम्मेलनको बैठकले वृहत सम्मेलनको आयोजना गर्ने निर्णय गरेको हो । जसका लागि तामाङ सोसाइटी अफ अमेरिकाका अध्यक्ष शान्त थोकरको अध्यक्षतामा ५१ सदस्यीय तयारी समिति समेत गठन गरी तीव्र तयारी थालिएको छ ।

त्यस्तै, बैठकले तामाङ समुदायको हक हितकालागि अन्य महत्वपूर्ण निर्णयहरु पनि गरेको छ । जस अन्तर्गत हाल न्यूयोर्कमा मात्र केन्द्रित रहेको तामाङहरुको संस्था ‘तामाङ सोसाइटी अफ अमेरिका’लाई विस्तार गरी विभिन्न राज्यमा च्याप्टर गठन गर्ने निर्णय गरेको हो । उक्त साझा संस्थाको नामा ‘तामाङ सोसाइटी अफ अमेरिका’ नै राखिने सोसाइटीका अध्यक्ष शान्त थोकरले बताए ।

कार्यक्रमा अध्यक्ष थोकरले भने ‘तामाङ सोसाइटी अफ अमेरिकालाई छाता संस्थाको रुपमा विस्तार गरिँदा अमेरिकामा रहेका तामाङहरूमाझ मात्र नभएर यसको प्रभाव विश्वभर रहेका तामाङलाई एउटै संस्थामा आवद्ध गर्न उर्जा मिल्नेछ ।’ साझा संस्थाको अवधारणाले मौलिक कला संस्कृतिको जगर्नेमा हुनुका साथै मुलुकका लागि पनि एकीकृत रूपमा योगदान दिन सकिने अध्यक्ष थोकरले बताए । उक्त बैठकमा अमेरिका र क्याडना गरी विभिन्न १३ राज्यका ५४ जना प्रतिनिधिको सहभागिता रहेको थियो । सहभागीहरुले सोसाइटीलाई साझा संस्थाको रुपमा विस्तार गरिने निर्णयको स्वागत गरेका थिए ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।