समाचार

प्रेमवादको दमकमा दुःखहरण पूजा (फाेटाे फिचर)

झापा– झापाको दमकमा प्रेमवादको दुःखहरण पूजा सम्पन्न भएको छ । हरेक अंग्रेजी नयाँ वर्षको पहिलो दिन दुःखहरण पूजा गर्ने गरिन्छ । दुःखहरण पूजाको उपराष्ट्रपति नन्द किशोर पुनले उद्घाटन गर्नुभएको हो ।
प्रेमवादले गरेको उक्त दुःखहरण पूजामा पूर्वी नेपालका एक लाखभन्दा बढी मानिसहरुको सहभागिता रहेको थियो । त्यस्तै, विभिन्न देशबाट आएका प्रतिनिधिहरुले पनि कार्यक्रममा सहभागिता जनाएका थिए । कार्यक्रममा गुरु ऊँनन्दद्वारा लिखित अंग्रेजी किताब उपराष्ट्रपति पुनले विमोचन गर्दै भन्नुभयो–‘प्रेमवादले उठाएका अभियानहरु विश्व शान्तिको लागि हुन् भन्ने बुझेको छु, यसले संस्कार र धर्मगत रुपमा पछि पारिएका छोरीचेलीहरुको न्यायिक उद्धार, संस्कारमा सुधार, अनाथ र बृद्धाहरुको लागि लभिङहोम नामले अनाथलयहरु सञ्चालन गर्नुका साथै सर्वधर्मको सिद्धान्तको अनुसरण जस्ता सर्वहितायका कार्य गरेको अनुभूति भएको छ ।’

उहाँले भन्नुभयो–‘प्रेम नै धर्मदर्शनहरुको सार हो ।  अतः प्रेमवादले अघि सारेका मुद्धा प्रशंसनीय छन् ।’ प्रेमवादका दार्शनिक गुरु ऊँनन्दबाट सदाझैँ बिहान ५ बजेर ७ मिनेटमा मुख्य दियो बाल्नु भई पूजाको शुभारम्भ गर्नुभएको थियो । उहाँले सारा चराचर जगतको कल्याणार्थ र मंगलार्थ पूजा र प्रार्थना गर्नुभएको थियो ।

कार्यक्रममा गायत्री मन्त्र, बुद्धिस्ट मन्त्र, इस्लाम मन्त्र लगायत अरु विभिन्न धर्मावलम्वीका भजन गाइएको थियो । पूजाको मुख्य केन्द्र निहिनमा धेरै सम्प्रदायका गुरुहरु मिलेर आफ्नो आफ्नो शास्त्रहरु पढेका थिए । पण्डितहरु, लामाहरु, किरात धर्म सेवासभाहरु, इस्लामका पादरीहरु, जापानीज ननहरु लगायत ब्रम्हाकुमारी, कृष्ण प्रणामी आदि गुरुहरुले आ–आफ्ना  शास्त्रहरुको वाचन गरेका थिए ।

गुरु ऊँनन्दले कार्यक्रममा भगवानको सर्वव्यापकताका विषयलाई सरल भाषामा केही बुँदागत रुपमा व्याख्या गरेका थिए ।
१. प्रेमवाद दर्शनले सवै धर्मलाई आफ्नै धर्मको रुपमा हेर्छ ।
२. पशुप्राणीको बलिप्रथा ईश्वर वा पूर्खाहरुको चाहाना हैन । बलि गर्नु महापाप हो ।
३. सबैभन्दा मान्छेको दुश्मन, शैतान नभएर आफ्नै अहंकार हो । अहंकारलाई दवाउन साँचो प्रेम चाहिन्छ । साँचो प्रेमले अहंकार, रीस, दुश्मनभाव आदिलाई हिउँलाई घामले पगाले जसरी पगाल्छ ।
४. प्रेमवादले सेवाको मार्गलाई विशेष स्थान दिएको छ ।
५. सबैको मंगल नै प्रेमवाद हो ।

कार्यक्रममा ऊँनन्द गुरुले अन्तिम वाणी कवितात्मक लयमा पस्किएको थियोः

प्रेमले संसारै ढाकोस्, प्रेमकै कुरा होस् जताततै
समाज प्रेमकै निर्माण होस्, दुष्टभाव नहोस् कहीँ कतै
चारैतिर खुशीको फूल फूलोस्, नहोस् कसैलाई दुःख पीर
प्रेमको झण्डा फरफरिई, मूल फुटोस् शान्तिको, सबैतिर ।

प्रेमकै कानले सुन्न सकुँ, प्रेमकै आँखाले देख्न सकुँ
प्रेमकै पाइला चाल्न सकुँ, प्रेमकै बोली बोल्न सकुँ
लोभ पाप दुष्टभावलाई, पे्रमकै भावले मेट्न सकुँ
प्रेमकै पूजाको प्रसाद बनी, बाँकी जीवन जिउन सकुँ ।

प्रेममा कसैको न जित छ, प्रेममा न कसैको हार
प्रेम नै सव धर्मको सार, प्रेम नै हो जीवनको आधार   
प्रेमको फूल फुल्दछ जहाँ जहाँ, शान्ति फक्रिन्छ त्यहाँ, त्यहाँ
प्रेम नै हो मार्गमुक्तिको, पे्रम नै हो बाटो भगवान कहाँ ।

 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।