समाचार
स्थानीय निकायको निर्वाचन कुन संचरनामा ? नयाँ कि पुरानै...
काठमाडाैं - प्रमुख दलहरुबीच पुरानै संरचनामा स्थानीय निकायको निर्वाचन गर्ने छलफल चलिरहँदा सरकारले नयाँ संरचना अनुसार गाउँ पालिका र नगरपालिकाको निर्वाचनकालागि संसदमा विधेयक दर्ता गराएको छ। गृहमन्त्री बिमलेन्द्र निधिले बुधबार दर्ता गराएको विधेयकमा नयाँ ‘संविधानको कार्यान्वयनकालागि स्थानीय तहको निर्वाचन यथासक्य छिटो सम्पन्न गर्न अपरिहार्य’ रहेको उल्लेख छ।
तर, स्थानीय तहको पुनर्संरचना सम्वन्धी आयोगको प्रतिवेदन तयार नभएको, भौतिक लगायतका संरचना नबनेको र कानून निर्माणमा भएको ढिलाईका कारण प्रमुख तीन दल पुरानै स्थानीय निकायको चुनाव गर्ने सहमतिमा पुगेको बुझिएको छ । स्थानीय तहको निर्वाचन सम्वन्धी विधेयक संसदमा दर्ता भएपछि सरकारको प्राथमिकता नयाँ संरचनाअनुसारको निर्वाचन कि पुरानै संरचना भन्ने थप अन्योल सिर्जना भएको छ ।
आयोगले भने नयाँ संरचना अनुसार गाउंपालिका र नगरपालिकाको संरचनाको काम अन्तिम चरणमा पुगेको दाबी गर्दै संसदमा विधेयक दर्ता गरेको जनाएको छ ।।
स्थानीय तहको निर्वाचन सम्बन्धी व्यवस्था गर्न बनेको विधेयक २०७३ मा निर्वाचनको मिति तोक्ने अधिकार सरकालाई दिन प्रस्ताव गरिएको छ। यसअघि निर्वाचन आयोगले मिति तोक्ने अधिकार आफैंले राख्ने गरी मस्यौदा प्रस्ताव गरेको थियो। सरकारले बुधबार नै निर्वाचन कसूर तथा सजाय सम्बन्धी विधेयक पनि संसदमा दर्ता गराएको छ। विधेयकमा मतपत्र नस्ट गर्ने, नक्कली मतपत्र तयार गर्ने, छाप दुरुपयोग गर्नेलगायतका कसूरमा संलग्न व्यक्तिलाई दुई वर्षसम्म कैद सजाय व्यवस्था गरिएको छ।
विधेयक दर्ता भएको मितिले पाँच दिनपछि व्यवस्थापिका संसदमा प्रस्तुत गर्नकालागि परिपक्व हुने व्यवस्था छ। संविधान संशोधन प्रस्ताव फिर्ता लिन माग गर्दै प्रमुख प्रतिपक्ष एमालेले लगातार संसद अबरोध गर्दै आएको छ। एमालेले निर्वाचन सम्बन्धी कानुन संसदमा ल्याए संसद अवरोध हटाउने बताइरहेका बेला सरकारले स्थानीय निकाय निर्वाचन सम्बन्धी बनेको विधेयक संसदमा दर्ता गराएको हो। प्रमुख राजनीतिक दलको मंगलबार भएको छलफलमा स्थानीय निकायको निर्वाचन गर्ने विषयमा सहमति भएका थिए।
संसदमा दर्ता भएको विधेयकमा स्थानीय तहको निर्वाचन एकै चरणमा सम्भव नभए दुईभन्दा बढी चरणमा गर्न सकिने प्रस्ताव छ । चरणवद्ध चुनाव गर्दा सामान्यतया एउटा प्रदेशको सबै स्थानीय तहका सदस्यहरुको निर्वाचन एकैचरणमा गर्नुपर्ने विधेयकमा उल्लेख छ । गाउंपालिका र नगरपालिकाका अध्यक्ष, उपाध्यक्ष, प्रमुख उपप्रमुख र वडा अध्यक्षहरुको निर्वाचन प्रत्यक्ष प्रणालीबाट हुने प्रस्ताव छ । यस्तै २ महिला सहित चार जना वडा सदस्यहरुको निर्वाचन भने गाउंपालिका र नगरपालिकाका प्रत्येक सदस्यहरुको मतदानबाट सबैभन्दा बढी मत ल्याउने विजयी हुने गरि निर्वाचन प्रणालीको प्रस्ताव गरिएको छ । त्यस्तै, गाउंपालिकाको निर्वाचनमा उम्मेदवार बन्न मनोनयनपत्र दर्ता गर्ने मितिसम्म २१ वर्ष उमेर पुगेको हुनुपर्ने उल्लेख छ ।
स्थानीय तहको निर्वाचनमा अध्यक्ष,उपाध्यक्ष,प्रमुख तथा उपप्रमुखका लागि उम्मेदवार बन्न १ हजार ५ सय धरौटी राख्नुपर्ने र सदर मतको १० प्रतिशत भन्दा कम मत ल्याएमा धरौटी जफत हुने प्रस्ताव विधेयकमा गरिएको छ । महिला,दलित,अल्पसंख्यक समुदाय वा आर्थिक रुपले विपन्न उम्मेदवारको हकमा भने ५० प्रतिशत धरौटी छुट हुने उल्लेख छ ।
निर्वाचनमा दल वा उम्मेदवारले खर्च गर्न पाउने रकमको हद निर्वाचन आयोगले तोक्ने र निर्वाचन परिणाम घोषणा भएको मितिले ३५ दिनभित्र आयोगले तोकेको कार्यालय समक्ष पेश गर्नुपर्ने उल्लेख छ । निर्वाचनको मिति तोक्ने अधिकार आफुले पाउनुपर्ने माग निर्वाचन आयोगले गर्दै आएपनि विधेयकमा भने आयोगको परामर्शमा सरकारले मिति तोक्ने उल्लेख छ ।
३० मंसिर २०७३ ।
उस्तै उस्तै खबरहरु
-
वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो
विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।
-
ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ
न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् ।
न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।
-
नेवाः गुठी न्यूयोर्कले मनायो विश्व नेवाः दिवस
न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ ।
गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।
-
ललितपुरका मयेर चिरिबाबुलाई न्यूयोर्कमा स्वागत
न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ ।
न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।
-
नेजाको साधारण सभा बोस्टनमा
नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ ।
टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।
-
तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान
अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ ।
न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।
Comments