समाचार

घाँसी नेपालले बनाउन थाल्यो तारेभिर विद्यालयको भवन

काठमाडौं-  विगत १६ वर्षदेखि शैक्षिक क्षेत्रमा कामगर्दै अएको घाँसी नेपालले काठमाडौंको गोकर्णेश्वर–७ वालुवामा रहेका तारेभिर प्राथमिक विद्यायालयको भवन पुनर्निमाणको काम थलोको छ । शुक्रबार एक कार्यक्रमकाबीच विद्यालयको भवन शिलन्यास गर्नुका साथै भौतिक संरचना पुनर्निर्माणको काम अघि बढाएको हो । नेपाली जनसम्पर्क समिति अमेरीकाका केन्द्रीय सदस्य हरिबोल भण्डारी, घाँसी नेपालका अध्यक्ष माधवप्रसाद घिमिरे, महासचिव शोवाकान्त पाण्डे र स्थानीय समाजसेवीले विद्यालय भवनको सँयुक्त रुपमा शिलन्यास गरेका हुन् ।

शिलान्यास कार्यक्रममा संस्थाका अध्यक्ष घिमिरेले शैक्षिक क्षेत्रमा देखिएका समस्या निराकरणका लागि स्थानीयको महत्वपूर्ण साथ र सहयोग अपरिहार्य रहेको बताए । उनले विद्यालय निर्माणमा स्थानीयको सहयोगको अपेक्षा गरे । उनले शैक्षिक क्षेत्रको सुधारका नाममा ब्रम्हलुट गर्ने विभिन्न संस्थाहरुसँग सचेत रहन आग्रह गर्दै भने– ‘कोही–कसैले हृदयदेखि सहयोग गर्न आउँछ भने उनीहरुको काममा साथ दिनुपर्छ ।’
 
त्यस्तै, जनसम्पर्क समिति अमेरिकाका केन्द्रीय सदस्य भण्डारीले भने– ‘हामी संसारको जुनसुकै कुनामा रहेपनि आफ्नो मातृभूमिको विकासका लागि हामी तत्पर छौं । आफ्नो देशमा सहयोग गर्न पाउँदा खुशी लाग्छ ।’ उनले आगामी दिनमा पनि सामाजिक काममा सहयोग रहने प्रतिवद्धता व्यक्त गरे । कार्यक्रममा संस्थाका पदाधिकारी, स्थानीय समाजसेवी, विद्यार्थीका अभिभावक लगायतको उपस्थिति रहेको थियो ।

विद्यायालय निमार्णदेखि शैक्षिक क्षेत्रमा सहयोग गर्दै आएको घाँसी नेपालले २०७२ साल बैशाख १२ र २९ गतेको गएको विनासकारी भूकम्पले भग्नावशेषमा परिणत भएका विद्यालयहरुको पुनर्निर्माण गर्ने अभियानलाई तिव्रता दिएको छ । घाँसी नेपालले भूकम्प प्रभावित ११ जिल्लाका ६० वटाभन्दा बढी विद्यायालयको भवन निर्माण गर्ने लक्ष्य राखेको छ । त्यस्तै, संस्थाले प्राथमिकता निर्धारण गरी अति प्रभावित विद्यालयहरुलाई पहिलो प्राथमिकतामा राखी  पुनर्निर्माणको कामलाई अघि बढाएको हो ।

संस्थाका अध्यक्ष घिमिरेले भने– ‘भूकम्पले भग्नावशेषमा परिणत भएका विद्यालयहरुको प्राथमिकता निर्धारण गरी अति प्रभावित विद्यालयलाई पहिलो प्राथमिकतामा राखेर भवन पुनर्निमाणको काम अघि बढाएको हौं, विस्तारै अरु विद्यालयको भवन निर्माण गर्नुका साथै देशभर शैक्षिक क्षेत्रमा देखिएका समस्या निराकरणतर्फ हामी उन्मुख हुनेछौं ।’
 
भूकम्पले तारेभिर प्राथमिक विद्यालयको भौतिक संरचनमा पुगेको क्षतिका सो विद्यालयमा अध्यरनत विद्यार्थीहरुको पठनपाठन प्रभावित हुँदै आएको छ । अझै उक्त विद्यालयका विद्यार्थीहरुले सहज रुपमा पठनपाठनको वातावरण पाउन सकेका छैनन् ।

३ मंसिर २०७३ ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।