समाचार

तीनधारा छात्रावासका पूर्व विद्यार्थीद्वारा शुभकामना आदान–प्रदान

काठमाडौं– विगतमा तीन धारा संस्कृत छात्रावासमा बसेर अध्ययन गरेका तथा हाल विभिन्न पेसा र व्यवसायमा संलग्न पूर्वविद्यार्थीहरूबीच बडादसैँ, तिहार, छठ र नेपाल संवत्को शुभ कामना आदान प्रदान कार्यक्रम वाल्मीकि विद्यापीठमा सम्पन्न भयो ।
 वि.सं. २०१५ सालमा तीनधारा संस्कृत छात्रावास प्रवेश गर्नुभएका शिवराज आचार्य कौन्डिन्यायनदेखि पछिल्लो चरणमा छात्रावास बसेका झन्डै ४५ जनाको उपस्थिति रहेको सो समारोहमा सबैले पालैपालो शुभ कामना आदान प्रदान गर्नुभएको थियो । भेलाका संयोजक हरिशरण खनालले भेला आयोजनाको उद्देश्यमाथि प्रकाश पार्दै सबै वर्ग र समुदाय सङ्गठित भइरहेको समयमा विगतमा संस्कृत छात्रावासमा रहेर हाल विभिन्न पेसा र व्यवसायमा आबद्ध पूर्वविद्यार्थी पनि सङ्गठित हुनुपर्ने आवश्यकता औँल्याउनुभयो ।
 ‘आज हरेक क्षेत्र, पेसा, व्यवसाय र वर्ग सङ्गठित हुनु जरुरी छ । त्यसैले विगतमा तिन धारा बस्ने हामी पूर्वविद्यार्थी पनि सङ्गठित हुनुपर्छ र साथीहरूबाटै त्यसको माग पनि भइरहेको छ,’ खनालले भन्नुभयो । सो अवसरमा बोल्दै पूर्वविद्यार्थी तथा वाल्मीकि विद्यापीठका पूर्वप्राध्यापक शिवराज आचार्यले अहिले संस्कृत शिक्षामाथि भइरहेको चौतर्फी आक्रमणप्रति चिन्ता जनाउनुभयो । उहाँले तीनधारा संस्कृत छात्रावासमा समावेशिताको नाममा अपनाइएको नयाँ व्यवस्थाले छात्रावासको अवस्था दयनीय बन्दै गएको बताउनुभयो ।
भेलामा शुभ कामना मन्तव्य दिनुहुँदै नेपाल संस्कृत विश्व विद्यालयका परीक्षा नियन्त्रक डा.धनेश्वर नेपालले यस्तो भेलाले साथीहरूबिच निकटता ल्याउनुका साथै भविष्यमा सङ्गठित भएर अघि बढ्न सजिलो हुने विचार व्यक्त गर्नुभयो । उहाँले अगाडि भन्नुभयो, ‘तिन धाराको विगतको गरिमा लुप्तप्रायः भएको छ । त्यसलाई पुनर्जागरण गर्न पनि हामीले नै केही न केही गर्नुपर्ने अवस्था आएको छ ।’ भेलामा डा. जनार्दन उपाध्यायले संस्कृत छात्रावास जाँदा विगतमा जस्तो अपनत्वबोध हुन नसकिरहेको अनुभव सुनाउँदै चिन्ता व्यक्त गर्नुभयो ।
सो अवसरमा मुकुन्द लामिछाने, जीवनाथ ढकाललगायत भेलामा उपस्थित सम्पूर्ण वक्ताले विगतमा तीनधारा छात्रावासभित्रको छात्र कार्य समिति, विधान परिषद् लगायतका संस्थालाई पुनर्जीवन दिनुपर्नेमाथि जोड दिनुभयो ।
भेलाले हरिशरण खनाल, राजु सत्याल, माधव लामिछाने, निश्चल अधिकारी, अर्जुनबाबु दाहाल, नेत्र दाहाल र हरिप्रसाद पौडेल रहेको एक तदर्थ समिति गठन गरेर आगामी दुई महिनाभित्र तीन धाराका पूर्वविद्यार्थीहरूको संस्था दर्ता प्रक्रिया अघि बढाउने र त्यसका लागि विधानसमेत तयार गर्ने जिम्मेवारी प्रदान गरेको थियो ।
सो अवसरमा पूर्वविद्यार्थी गोविन्द दाहालद्वारा स्थापित खप्तड बाबा ज्याति पुरस्कारद्वारा नेपाल वेद विद्याश्रम संमाविका छात्र गणेश लम्साल सम्मानित हुनुभयो । सम्मानित लम्साललाई शिवराज आचार्यद्वारा नगद पुरस्कारका साथमा प्रशंसा पत्र प्रदान गरिएको थियो । सोही अवसरमा आगामी दिनको आर्थिक आवश्यकता पूर्तिका लागि पूर्वविद्यार्थी देवराज नेपालले नगद रु.५ हजार र गोविन्द दाहालले नगद रु. २ हजार आर्थिक सहयोग गर्नुभएको थियो । भेलाले आगामी मङ्सिर १८ गते शनिबारका दिन तीन धारा संस्कृत छात्रावासमा भेला भई बृहत् रूपमा ऐतिहासिक क्रान्ति दिवस मनाउने पनि निर्णय गरेको छ ।

१५ असोज, २०७३ ।

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।