समाचार

प्रधानमन्त्री पत्नी सीताको शैलीले ‘प्रोटोकल’माथि प्रश्न ?

काठमाडौं– प्रधानमन्त्री पुष्पकमल दाहाल चार दिने राजकीय भ्रमणको क्रममा छिमकी राष्ट्र भारतमा छन् । प्रधानमन्त्री  दाहालसंगै पत्नी सीता दाहाल पनि सँगै भ्रमणमा छन् । तर, सीताको उपस्थितिले मुलुकलाई नै गिज्याइरहेको अवस्था देखिएको छ र उनीबाट बेइज्जत हुने अवस्था समेत सिर्जना भएको छ । सामाजिक सञ्जालमा पनि सीताले मुलुकको बेइज्जत गरेको भन्दै एक तस्बिर भाइरल बनेको छ । 

प्रधानमन्त्रीको भ्रमणलाई विश्वले नियालीरहेको बेलामा  भेटघाटका तस्बिर र खबरले पनि धेरैकाे ध्यान केन्द्रीत गरेकाे छ । तर, सीताकाे ध्यान भने नगएको यही तस्बीरले प्रष्ट देखिएको छ । शुक्रबार भारतीय प्रधानमन्त्री नरेन्द्र मोदीले प्रचण्ड र उनकी धर्मपत्नी सीतालाई स्वागत गर्दा खिचिएकाे याे तस्बिरले कुटनीतिक मर्यादाको बेइज्जत मात्र होइन, तस्विर हेर्ने जो कोहीलाई वाक्क दिक्क बनाएको छ । तस्बिरमा मोदीले प्रधानमन्त्री दाहालसंग दह्रोसँग हात मिलाएर स्वागत गरेका छन् । छेउमा प्रधानमन्त्रीकी धर्मपत्नी सीता पनि छिन्, तर माेदीकाे साइडमा ।

दुई प्रधानमन्त्रीले कसिलोसँग हात मिलाउँदै सीताको दुईहात बाधेर अनौठो पारा देखाएकी छन् ।  उनले हात बाँधेर एकोहोरो अन्तैतिर हेर्नु,  कपडासमेत राम्ररी मिलाउन नसक्नु र भारतीय प्रधानमन्त्रीकाे साइडमा ‘प्रोटोकल’माथि प्रश्न खडा गरेको छ ?  यो तस्बिरले गलत अर्थ त दिएको छ नै उनी उभिएको स्थान समेत गलत हुँदा मुलुककाे बेइज्जत हुने काम भएकाे छ ।  फोटो देख्दा लाग्छ, मोदी र सीताले मिलेर प्रचण्डलाई स्वागत गरिरहेका छन् । 

यसअघि दाहाल प्रधानमन्त्री नियुक्त हुँदा लाजिम्पाटको निवासमा सामुहिक तस्बिर लिँदा समेत सीताको अनुहार यस्तै देखिन्थ्यो । त्यो बेला पनि सीताले अनुहार मिलाउन जान्नुभएन भनेर आलोचना भएको थियो । 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।