समाचार

सुरक्षा चेकजाँचमा कडाइ, दुर्घटना भने रोकिएन

काठमाडौं- दुर्घटना न्यूनिकरणका लागि चेक जाँचमा कडाइँ भइरहँदा दुर्घटनाको क्रम बढेको छ । काभ्रेमा भएको दुर्घटना पछि सडक दुर्घटनाका घटना क्रमशः दोहोरिएका छन् । काभ्रेमा भएको दुर्घटनामा २८ जनाले ज्यान गुमाएको थिए । त्यसको एक साता नबित्दै फेरि यात्रुबहाक बस त्रिशुली नदीमा खस्यो । उक्त दुर्घटनामा २२ जनाको ज्यान गयो । फेरि सोही ठाउँमा ट्रक खस्दा ६ जना घाइते भए । 
पुनः आइतबार अर्घाखाची हंसपुर–रतनमारेमा जीप दुर्घटना हुँदा ११ जनाको मृत्युभएको छ । अन्य ६ जना घाइते भएका छन् । घाइतेमध्ये चार जनाको अवस्था गम्भीर छ । सदरमुकाम सन्धिर्खकबाट त्युठानको बादीकोट जाँदै गरेको ग. १ ज ४८७८ नम्बरको जीप दुर्घटना भएको हो । 
दुर्घटनामा गुल्मी भनभने वडा नम्बर १ का ५९ वर्षीय बुद्धिबहादुर परियार, त्युठान बाङ्गेमरोठ वडा नम्बर ८ का ६८ वर्षीया शोभा सिंह रोका मगर, अर्घाखाँची हसपुर वडा नम्बर ४ का ३५ वर्षीय मीनबहादुर केसी, अर्घाखाँची हंसपुर वडा नम्बर १ का ३६ वर्षीय देवबहादुर थापा मगर, अर्घाखाँची सनपा वडा नम्बर ११ किमडाँडाका नारायणबहादुर राना, गुल्मी पुर्कोटदह वडा नम्बर ८ का ५९ वर्षीय भेषबहादुर थापा मगर र अर्घाखाँची धारापानी वडा नम्बर ६ की ३६ वर्षीया कमला पौडेलको मृत्युभएको छ । त्यस्तै, गुल्मी पुर्कोटदह वडा नम्बर ४ का ३७ वर्षीय जीवबहादुर कुँवर, अर्घाखाँची हंसपुर वडा नम्बर ५ का ४५ वर्षीय हुमबहादुर घर्तिमगर, अर्घाखाँची असपुर वडा नम्बर २ का ४५ वर्षीय रामबहादुर घर्तिमगर र अर्घाखाँची सनपा २ का ३२ वर्षीया सीता नेपालीको मृत्यु भएको हो । जीप चालकलाई प्रहरी नियन्त्रणमा लिएको छ । उकालोमा गाडीको बे्रक फेल भएर दुर्घटना भएको प्रहरीले जनाएको छ । जीपमा १६ जना सवार थिए । 
दुर्घटनाका घटना बढेसँगै सरकारले क्षमतामन्दा धेरै यात्रु बोक्ने सवारी साधनको रुट परमिट खारेज गर्नेगरी कानुन संशोधनको तयारी थालेको छ । दुर्घटना बढेपछि व्यवस्थापिका संसदमा सडक दुर्घटनाका कारण र त्यसको निराकरणका विषयमा भएको छलफलमा यातायात तथा भौतिक पूर्वाधारमन्त्री रमेश लेखकले कानुन संशोधनको तयारी भएको जानकारी दिनुभएको हो । 

यसैबीच, सवारी दुर्घटना बढ्दै गएपछि चेकजाँचमा कडाइ थालिएको छ  भने संवेदनशील क्षेत्रमा ट्राफिक चिह्न र सुरक्षाबार राखिने भएको छ । शुक्रबार बिहान बस र शनिबार बिहान ट्रक त्रिशूली नदीमा खसेपछि सुरक्षा निकाय र सडक डिभिजनको समन्वयमा सो सडक क्षेत्रमा  ट्राफिक चिह्न र सुरक्षाबार निर्माण गर्ने कार्य थालिने भएको हो । 

चितवनको मौवाखोलादेखि आँपटारीसम्मको सडक क्षेत्रमा यो कार्य गरिने छ । 
सो सडकखण्डको मध्ये क्षेत्र प्रहरी प्रमुख प्रहरी नायब महानिरीक्षक पशुपति उपाध्यायसहितको टोलीले शनिबार निरीक्षण गरी तत्काल काममा सहयोग पु¥याउन मातहतका प्रहरीलाई निर्देशन दिएको छ । 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।