समाचार

नेवाः गुठी न्यूयोर्कको आयोजनामा न्यूयोर्कमा भिन्तुना र्याली र म्हः पूजा सम्पन्न

न्यूयोर्क । नेवाः गुठी न्यूयोर्कको आयोजनामा न्यूयोर्कको ज्याक्सन हाईट्समा भिन्तुना र्याली गरीएको छ । नेपाल सम्बत ११४२ को अवसरमा यो कार्यक्रम गरिएको हो । नयाँ वर्षको शुभकामना सहित नेपाल सम्बतलाई चलन चल्तीको रुपमा सुरु गर्नु पर्ने भन्दै गुठीले र्याली सहितको कार्यक्रम गरेको हो । ज्याक्सन हाईट्सको डाइभर्सिटी प्लाजाबाट सुरु भएको र्यालीले विभिन्न बाजागाजा र नाचगान सहित नगर परिक्रमा गरेको हो । र्यालीमा न्हुँ दया भिन्तुना अर्थात नयाँ वर्षको शुभकामना आदान प्रदान गरिएको थियो । कार्यक्रममा नेपाल सरकारका प्रतिनिधि कन्सुलर गणेश प्रसाद अधिकारीको विशेष उपस्थिति रहेको थियो भने न्यूयोर्कमा रहेका नेवार समुदायका अनुवाका साथै विभिन्न संघसंस्थाका प्रतिनिधिहरुको सहभागिता रहेको थियो ।  
र्याली पछि आयोजित सभालाई विभिन्न वक्ताहरुले सम्बोधन गरी नयाँ वर्षको शुभकामना दिएका थिए । गुठीले प्रत्यक वर्ष नयाँ वर्षको अवसरमा भिन्तुना र्याली गर्दै आएको छ ।
त्यस्तै कोरोना महामारीका कारण सार्वजनिक आव्हान रहित म्हः पूजा पनि सम्पन्न गरिएको छ । गुठीका सदस्य तथा विभिन्न संघसंस्थाका प्रमुख एवं प्रतिनिधिहरुलाई मात्र सहभागि गराईएको म्हः पूजामा विभिन्न व्यक्तित्वहरुलाई प्रमाणपत्र प्रदान गरिएको थियो । विगतका वर्षहरुमा जस्तै सार्वजनिक रुपमा कार्यक्रम आयोजना गर्ने चाहना हुँदा हुँदै पनि महामारीका कारण सिमित गर्नु परेको प्रति अध्यक्ष विजयमान सिंहले दुःख व्यक्त गर्नु भयो । उहाँले भिन्तुना र्याली एवं म्हः पूजा सम्पन्न गर्न सहयोग गर्नुहुने सम्पूर्णलाई धन्यवाद पनि व्यक्त गर्नुभयो । उहाँले नेवाः गुठी न्यूयोर्क आफ्नो भाषा, कला, संस्कृति एवं परम्परा रक्षाका लागि सधै अग्रपंतिमा रहेको पनि बताउनु भयो ।
म्हः पूजामा नेवारी समुदायले स्वस्थ, सक्षम र आत्मा तथा शरीरको शुद्धिकरणको कामना गर्दै आफ्नो शरीरको पूजा आफै गर्ने परम्परा छ ।

थप तस्विरका लागि यहाँ क्लिक गर्नुहोला ।

उस्तै उस्तै खबरहरु

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।

  • नेपालबाट चोरिएका मूर्ति फिर्ता लिएर नेपाल पुग्यो टोली

    नेपालबाट चोरिएका मूर्ति फिर्ता लिएर नेपाल पुग्यो टोली विभिन्न कालखण्डमा नेपालबाट चोरी गरी तस्करहरुले अमेरिका ल्याएका चार वटा पुरातात्विक मूर्तिहरु नेपाल पुर्याईएको छ । न्यूयोर्क स्थित नेपाली महावाणिज्य दुतावाससँगको समन्वयमा नेवाः गुठीले उक्त पुरातात्वीक मूर्तिहरु नेपाल पुर्याएको हो । मूर्ति नेपाल पठाउनका लागि ठूलो आर्थिक रकम लाग्ने भएपछि कार्यवहाक महावाणिज्य दूत विष्णु प्रसाद गौतमको पहलमा नेवाः गुठी न्यूयोर्कले त्यसको व्यवस्थापन गरेको हो ।