न्युयोर्क

न्यूयोर्कको क्वीन्समा साउथ एशियन हेरिटेज सेलिब्रेशन हुँदै

गोकुल श्रेष्ठ, न्यूयोर्क ।
न्यूयोर्क सहरको क्वीन्सस्थित एल्म्हस्टमा साउथ एशियन हेरिटेज सेलिब्रेशन हुने भएको छ । यहि बुधबार अर्थात मे ९ तारिखमा हुन लागेको कार्यक्रम न्यूयोर्क सिटी काउन्सिल मेम्बर कोस्टा कोन्स्टान्टिनिडेसको आयोजना र न्यूयोर्क सिटी काउन्सिल मेम्बर डानियल ड्रमको सहओजनामा हुन लागेको हो । 
२५–२६ ७५ स्ट्रिट, इष्ट एल्म्हस्ट न्यूयोर्क स्थित लेक्जिन्टन स्कूल फर डेफमा बेलुकी ६ बजे आयोजना गरिएको सेलिब्रेशन कार्यक्रमको होस्टको रुपमा इभेन्ट युएसए इन्टरटेनमेन्ट, टिविएन २४, मोहम्मद एजी, मंलदास श्रेष्ठ, हर्वचन सिंह र जमाइल सिंह रहेका छन् । होस्ट श्रेष्ठका अनुसार यो कार्यक्रम न्यूयोर्कमा पहिलो पटक हुन लागेको हो । कार्यक्रममा विभिन्न साउथ एशियन देशका संस्कृति झल्कने कार्यक्रमहरु प्रस्तुत हुनेछन् त्यस्तै कार्यक्रममा समाजमा विशेष योगदान गर्ने व्यक्तिहरुलाई सम्मान गरिने भएको छ । कार्यक्रममा सहभागिताका लागि आयोजकले विशेष आव्हान गरेका छन् ।
उक्त हेरिटेज सेलिब्रेशनको सहप्रायोजन भने १२ वटा विभिन्न साउथ एशियन संघसंस्थाहरुले गरेका छन् । जसमा बंगलादेश सोसाईटी, किरात राई सोसाईटी अफ अमेरिका, रिजउड नेपाली समाज, तामाङ सोसाईटी अफ नर्थ अमेरिका, नेवाः गुठी न्यूयोर्क, शेर्पा एशोसियसन इन अमेरिका, युनाईटेड भुटानिज एशोसियसन अफ अमेरिका, वीक्ली बंगाली, गोर्खा समाज, पाकिस्तानी अमेरिकन कम्यूनिटी अफ न्यूयोर्क र पाकिस्तानी अमेरिकन कम्यूनिटी अफ लङआईल्याण्ड रहेका छन् । 
उक्त कार्यक्रमको बारेमा कुनै जिज्ञासा भएमा काउन्सिल म्यान कोस्टाका कम्युनिटी लियजन जोय चौधरीको इमेल jchowdhury@council.nyc.gov मा सोझै सम्पर्क गर्न सकिने उनले बताएका छन् । 

को हुन् कोस्टा ?
काउन्सिल म्यान कोस्टा इमिग्रेसनहरुको हक अधिकारको पक्षमा वकालत गर्ने डेमोक्राटिक नेताका रुपमा चिनिन्छन् । उनले प्रतिनिधित्व गर्ने डिस्ट्रिक २२ मा रहेका इमिग्रेसन मात्र होइन समग्र न्यूयोर्क र अमेरिकामा रहेका इमिग्रेसनको सुविधा, सहजता र अधिकारको पक्षमा वकालत गरिरहेका छन् । पछिल्लो समय नेपालीहरुले पाएको टिपिएस नविकरणको सवालमा पनि उनले खुलेरै वकालत गरेका हुन् । त्यस्तै एल्म्हस्ट हस्पिटलमा नेपाली भाषाको व्यवस्था गराउनका लागि उनले ठोस कदम नै चालेका छन् । उनले हस्पिटल व्यवस्थापनलाई औपचारिक पत्राचार गरी नेपाली भाषाको व्यवस्था गर्न आग्रह समेत गरेका छन् । त्यस्तै उनले डिपार्टमेन्ट अफ मोटर भेइकल अर्थात डिएमभी न्यूयोर्कमा नेपाली भाषाको माध्यमबाट परीक्षा दिन पाउने व्यवस्थाका लागि पहल गरिरहेका छन् । नेपाली डायस्पोराका अगुवाहरुसँगको सहकार्य एवं उनीहरुले गरेका मागहरुलाई सधै प्राथमिकताको साथमा उठाउने गरेका काउन्सिल म्यान कोस्टा नेपाली अमेरिकन समुदायका लागि आशावादी नेताका रुपमा स्थापित हुँदै आएका छन् ।  
न्यूयोर्क सहरको डिस्टिक २२ को प्रतिनिधित्व गर्ने कोस्टाको कार्यक्षेत्रको रुपमा अस्टोरिया, ज्यान्सन हाईट्सको केहि भाग, उडसाईड र पूर्वीय एल्म्हस्ट परेको छ । त्यस्तै उनी न्यूयोर्क सिटी काउन्सिलको पर्यावरण सुरक्षा समितिको सभापति हुन भने उनी अन्य विभिन्न चार समितिमा आवद्ध छन् । सन् २०१३ मा सिटी काउन्सिलमा निर्वाचित भएका कोस्टा सन् २०१७ मा पनुः ९३ प्रतिशत भोट सहित निर्वाचित भएका चर्चित एवं शक्तिशाली नेता हुन् । 
आफ्नो पहिलो कार्यकालमा निकै महत्वपूर्ण काम गरेर चर्चामा रहेका कोस्टा दोश्रो कार्यकालमा पनि उत्तिकै चर्चित रहेका छन् । उनले इमिग्रेसनहरुको हक अधिकारका लागि आफ्नो सम्पूर्ण शक्ति परिचालन गर्ने गरेका छन् । 
तस्वीरः गीभमी अस्टोरिया डट कम

Click Here For English

उस्तै उस्तै खबरहरु

  • घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा

    घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा न्यूयोर्क । घ्याल्सुम्दो सेवा संस्था, अमेरिकाको अधिवेशन सेप्टेम्बर २ मा अमेरिकाको न्यूयोर्कमा हुने भएको छ । संस्था स्थापनाको १५ औं वार्षिकोत्सव मनाउन लागेको संस्थाले यो अधिवेशनबाट नयाँ नेतृत्व पनि चयन गर्ने भएको छ । १५ औं वार्षिकोत्सव कार्यक्रमलाई विशेष रुपमा मनाउन लागेको संस्थाले यो वर्ष स्मारिका प्रकाशन गर्न लागेको छ । गत वर्ष विधान संशोधन गरी नेतृत्व चयनलाई सहज बनाएको संस्थाले यो वर्षबाट भने सहजरुपमा नेतृत्व पाउने संस्थाका अध्यक्ष छिरिङ्ग राप्के लामाले जानकारी दिनु भयो ।

  • न्यूयोर्कमा नेपाली लायन्स क्लवको समन्वयमा आँखा परिक्षण

    न्यूयोर्कमा नेपाली लायन्स क्लवको समन्वयमा आँखा परिक्षण बालबालिकालाई लक्षित उक्त आँखा परिक्षण कार्यक्रममा करिव ४० जना बालकालिका सहभागि भएका थिए । अप्रिल २० तारिख शनिबारका दिन सम्पन्न भएको उक्त कार्यक्रमको सभापतित्व क्लवका अध्यक्ष पुरुषोत्तम पन्थीले गर्नु भएको थियो भने कार्यक्रमको सञ्चालन रुपा भण्डारीले गर्नु भएको थियो । कार्यक्रममा अध्यक्ष पन्थीले सहभागिहरुलाई धन्यवाद दिंदै थप सहयोगका लागि आग्रह गर्नु भएको थियो ।

  • नेवाः नखः को अध्यक्षमा विष्णुमान प्रधान निर्वाचित

    नेवाः नखः को अध्यक्षमा विष्णुमान प्रधान निर्वाचित न्यूयोर्क । नेवाः नखः को अध्यक्षमा विष्णुमान प्रधान निर्वाचित भएका छन् । यहिं अक्टोबर १३ तारिखमा न्यूयोर्कमा सम्पन्न भएको अधिवेशनले प्रथम उपाध्यक्षमा महेन्द्र बीर बज्राचार्य, द्वितीय उपाध्यक्षमा बिमला श्रेष्ठ, महासचिवमा डा. नरेशमान शाक्य, सचिवमा संगीता मुखिया छोंचू, कोषाध्यक्षमा दीपक कुमार प्रधान र सहकोषाध्याक्षमा सुजन श्रेष्ठ निर्वाचित भएका छन् । त्यस्तै सदस्यहरुमा नम्रता प्रधान, गणेश श्रेष्ठ, कुमार भक्त श्रेष्ठ, भरत शाक्य, महेन्द्र कुमार बज्राचार्य र गौतम कर्माचार्य चयन भएका छन् ।

  • न्यूयोर्कमा वसन्तपुरको झल्को, पहिलो पटक मनाईयो इन्द्रजात्रा

    न्यूयोर्कमा वसन्तपुरको झल्को, पहिलो पटक मनाईयो इन्द्रजात्रा न्यूयोर्क । अमेरिकाको न्यूयोर्कस्थित ज्याक्सन हाईट्समा पहिलो पटक यन्या पुन्ही अर्थात इन्द्रजात्रा मनाईएको छ । सेप्टेम्बर २९ तारिख शनिबार नेवाः गुठी न्यूयोर्कले आयोजना गरेको इन्द्रजात्रा परम्परागत शैलीमा मनाईएको हो । पूर्ण परम्परागत शैली र विधिपूर्वक मनाईएको इन्द्रजात्राले ज्याक्सन हाईट्सको डाइभर्सिटी प्लाजाले काठमाडौंको बसन्तपुरको झल्को दिईरहेको थियो ।

  • तामाङ समाज अमेरिकाको अध्यक्षमा सानुमाया निर्वाचित

    तामाङ समाज अमेरिकाको अध्यक्षमा सानुमाया निर्वाचित न्यूयोर्क । तामाङ समाज अमेरिकाको प्रथम अधिबेसनबाट सानु माया तामाङ अध्यक्षमा निर्वाचित भएकी छिन् । त्यस्तै अधिवेशनले बरिष्ठ उपाध्याक्षमा ब्रजेश मोक्तान, उपाध्याक्षमा सुमित्र योन्जन , महासचिवमा बुद्धिमान तामाङ र सचिवमा बिनिता तामाङलाई चयन गरेको छ ।

  • आदिवासी चलचित्र महोत्सव तथा निफ्फ अवार्डको तयारी पूरा

    आदिवासी चलचित्र महोत्सव तथा निफ्फ अवार्डको तयारी पूरा न्यूयोर्क । नेपाल आदिबासी चलचित्र महोत्सव तथा निफ्फ अवार्ड २०१८, को सम्पुर्ण तयारी पूरा भएको छ । नेपाल आदिवासी जनजाति महासंघ, अमेरिका फिप्नाले न्यूयोर्कको ज्याक्सन हाईटमा पत्रकार सम्मेलन गरी महोत्सव तथा अवार्ड कार्यक्रमको तयारी पूरा भएको जानकारी दिएको हो ।