समाचार

चुनावको मुखमा घरघरमै वृद्धभत्ता र स्वास्थ्य जाँच

काठमाडौं, मंसिर । यही १० र २१ मंसीरमा हुन लागेको प्रतिनिधि सभा र प्रदेश सभाको निर्वाचनको दिन नजिकिँदै जाँदा राजनीतिक दलसंग सम्वद्ध उम्मेदवारहरु मतदातालाई आफ्नो पक्षमा ल्याउन भरमग्दुर प्रयास गरिरहेका छन । 
मतदातासंग कोही उम्मेदवार आफुले गर्नसक्ने कुरा गर्दैैछन भने कोही झुठा आश्वासन वाँडिराखेका छन । केही राजनीतिक दलहरु भने आफ्नो नेतृत्वमा रहेको स्थानीय निकायबाट मतदातालाई अप्रत्यक्षरुपमा केही न केही राहत दिएर आफ्नो पक्षमा मत हाल्न वकालत गरिराखेका छन् । 
यसै सिलसिलामा गत ३१ बैशाखमा सम्पन्न स्थानीय तहको निर्वाचनमा नेकपा एमालेको तर्फबट विजयी भएका मध्यपुर ठिमी नगरपालिकाका प्रमुख मदनसुन्दर श्रेष्ठले भने सो नगरपालकाको ५ नं वडाका केही जेष्ठ नागरिकको घरघरमै गएर वृद्ध भत्ता मात्रै होइन, उनीहरुको स्वास्थ्य जाँच र एक÷एक सीसी हर्लिक्स समेत वाँड्न भ्याएका छन । 
यसका लागि नगरप्रमुख श्रेष्ठले आफु सञ्चालक समितिको अध्यक्ष रहेको नेपाल कोरिया मैत्री अस्पतालका स्वास्थ्यकर्मीलाई अस्पतालबाट सेवा दिनुको साटो घरघरमै जेष्ठ नागरिकको स्वास्थ्य परीक्षणको लागि लगेका छन भने वृद्ध भत्ता बाड्नको लागि नेपाल वैंक लिमिटेड र राष्ट्रिय वाणिज्य वैंक ठिमी शाखाका कर्मचारीलाई ल्याप्चेको लागि मसीको प्याड र नगद समेत बोकाएर लगेका छन् । 
सर्वसाधारणले हेर्दा जेष्ठ नागरिकलाई घरघरमै वृद्ध, विधवा र एकल भत्ताको व्यवस्थाको साथै स्वास्थ्य जाँच र औषधि उपचार सेवा उपलब्ध गराएको देखिएता पनि यस कार्यलाई विपक्षी राजनीतिक दलले भने नगरप्रमुख श्रेष्ठले पदको दुरुपयोग गर्दै मतदातालाई आफ्नो पक्षमा पार्न खोजेको आरोप लगाउन थालेका छन ।
विपक्षी दलले आरोप लगाएता पनि नगरप्रमुख श्रेष्ठको यो कार्यले नगरका सबै वडामा निरन्तरता पाउने हो भने अशक्त, जेष्ठ, एकल महिला र वृद्धवृद्धालाई भने निकै फाइदा पुग्ने स्थानीय वृद्धहरु बताउँछन । 
‘चुनावकै मुखमा भएपनि घरमै वृद्धभत्ता पाउँदा त निकै खुसी लाग्यो, त्यसमाथि डाक्टर पनि घरमै आए’—स्थानीय ७८ वर्षिय आशनारायण श्रेष्ठले भने—‘सँधै यसैगरि घरमै स्वास्थ्य जाँच र भत्ता पाए त हुन्थ्यो नि ।’ 
वडावासीको घरमै स्वास्थ्य जाँच र वृद्धभत्ता वितरण कार्यमा नगरप्रमख श्रेष्ठ केहीबेर देखा परेतापनि बाँकी समय उनले उपप्रमुख अन्जना मधिकर्मी श्रेष्ठ र सम्वन्धीत वडाका वडाध्यक्षलाई खटाएका छन् । 
भक्तपुर जिल्लाको २ नं निर्वाचन क्षेत्रमा पर्ने सो नगरमा आगामी २१ मंसीरमा हुन लागेको प्रतिनिधि सभा निर्वाचनका लागि नेकपा एमालेले युवा नेता एवम् पुर्वमन्त्री महेश बस्नेतलाई उठाएको छ भने प्रदेशसभातर्फ स्थानीय नेता राजेन्द्रमान श्रेष्ठलाई उठाएको छ । 
वाम गठवन्धनको तर्फबाट प्रतिनिधि सभा सदस्यको उम्मेदवार बनेका बस्नेतलाई टक्कर दिन नेपाल मजदूर किसान पार्टीबाट पुर्व सांसद अनुराधा थापामगर र लोकतान्त्रिक गठवन्धनबाट पुर्व सभामुख दमननाथ ढुंगाना सो क्षेत्रबाट निर्वाचन लड्दैछन ।

 

उस्तै उस्तै खबरहरु

  • वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो

    वासिंटन डिसीमा नेजाको अन्तरक्रिया, नेपाली दुतावासमा कर्मचारी अभाव भएको गुनासो विश्व प्रेस स्वतन्त्रता दिवस मे ३ मा अमेरिकाको डीसी मट्रो क्षेत्रमा अवस्थित अमेरिकाका लागि नेपाली दूतावासको कार्यालयमा राजदूत प्रा. श्रीधर खत्रीसँग नेपाल अमेरिका पत्रकार संघ (नेजा) ले अन्तरक्रिया गरेको छ । सो अन्तरक्रियामा राजदूत प्रा‍. खत्रीले दूतावासले आफ्नो स्रोत र साधनले भ्याएसम्म सेवा प्रवाहमा विशेष ध्यान दिइरहेको बताउनुभयो ।

  • ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

    ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।

  • नेवाः गुठी न्यूयोर्कले मनायो विश्व नेवाः दिवस

    नेवाः गुठी न्यूयोर्कले मनायो विश्व नेवाः दिवस न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।

  • ललितपुरका मयेर चिरिबाबुलाई न्यूयोर्कमा स्वागत

    ललितपुरका मयेर चिरिबाबुलाई न्यूयोर्कमा स्वागत न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।

  • नेजाको साधारण सभा बोस्टनमा

    नेजाको साधारण सभा बोस्टनमा नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।

  • तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

    तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।