राजनीति

तरुण क्षमता अभिवृद्ध प्रशिक्षण सम्पन्न

काठमाडौं, १९ साउन । गरिबी निवारण तथा सहकारी बिकास मन्त्री अम्बिका बस्नेतले तरुण युवाहरुलाई राजनीतिमा सक्रिय रुपमा लाग्न निर्देशन दिनुभएको छ । विभन्न आन्दोलन तथा राजनीतिक परिवर्तमा युवाहरुको नेतृत्वदायी भूमिकाले सफलता हात पारेको विगत स्मरण गर्दै कांग्रेस भित्रको आन्तरिक किचलो हटाउने जिम्मेवारी तरुणको काँधमा आएको बताउनुभएको हो ।

नेपाल तरुण दल काठमाडौँले राजधानीमा गत साउन १४ गतेदेखि थालेको तरुण अभिवृद्धि प्रशिक्षण कार्यक्रमको विहीबार समापन गर्दै मन्त्री बस्नेतले युवा जागे असम्भव सबै सम्भव हुने हुने बताउनुभयो ।
नेपाली कांग्रेसका नेता तथा पूर्व महामन्त्री प्रकाशमान सिंहले उद्घाटन गर्नुभएको तरुण क्षमता अभिवृृद्धि प्रशिक्षण कार्यक्रममा नेपाली कांग्रेसका प्रभावशाली नेता बालकृष्ण खाड, उदय सम्सेर राणा, बद्री पाण्डे , रामशरण महत, नेपाल टेलिभिजनका कार्यकारी अध्यक्ष महेश दाहाल र पब्लिक स्पिकर नबिन चित्रकारले विभिन्न बिषयमा प्रशिक्षण दिनुभएको थियो।

समापन कार्यकार्यमा बोल्दै नेपाल तरुण दल केन्द्रीय अध्य्क्ष जितजंग बस्नेतले अब मुलुकभर तरुणहरुलाई लक्षित विभिन्न प्रशिक्षण कार्यक्रमको आयोजन गर्ने बताउनुभयो । उहाँले प्रदेश नं. २ को स्थानीय तहको निर्वाचनलाई लक्षित गरी यही २४ देखि ३२ सम्म वडा नगर क्षेत्र जिल्ला स्तरीय तरुण जागरण अभियान संचालन गर्न निर्देशन दिसकेको पनि जानकारी दिनुभयो ।

काठमाडौं जिल्ला अध्यक्ष कृष्णजी खड्काले तरुण युवाहरुलाई प्रशिक्षण दिनुपर्ने आवश्यकता रहेको औंल्याउँदै काठमाडौँ जिल्लामा रहेको सबै वडा, नगर, क्षेत्रमा क्रमिक रुपमा प्रशिक्षण संचालन गरिने जानकारी दिनुभयो ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ