राजनीति

राजपालाई चुनावमा बाटो खुल्यो, अडान यथावत

काठमाडौं, जेठ । सरकारले असन्तुष्ट रहेका दललाई पनि स्थानीय तहको दोश्रो चरणको निर्वाचनमा सहभागी गराउने उद्देश्यसहित स्थानीय तह निर्वाचन ऐनलाई संशोधन गरेको छ । राजपालाई चुनावमा सहभागी गराउन संशोधन गरिएको सरकारको भनाइ रहेपनि राजपा भने चुनावमा जाने नजाने भन्ने विषयमा अझै अन्योलमा रहेको छ । उसले संविधान संसोधनविना चुनावमा सहभागी नहुने अडान राख्दै आएको छ ।
विहिबारको संसद बैठकबाट स्थानीय तह निर्वाचन ऐनको दफा १८ को १ मा दलको तर्फबाट उम्मेदवारको मनोनयनपत्र दर्ता गर्ने अन्तिम मितिभन्दा कम्तिमा १५ दिन अगावै दलका पदाधिकारीको हस्ताक्षर आयोगलाई बुझाउनुपर्ने व्यवस्थालाई संशोधन गरी समयसीमा हटाइएको हो । यससँगै उम्मेदवारी दर्ता गर्ने अन्तिम मितिभन्दा कम्तिमा १५ दिन अगावै दलका पदाधिकारीको हस्ताक्षर आयोगलाई बुझाउनुपर्ने व्यवस्थाको समयसीमा हटाइएको छ । मधेस केन्द्रित ६ दल मिलेर गठन भएको राजपाले स्थानीय तह निर्वाचन ऐनमा रहेको दल दर्ताको व्यवस्था संशोधन गर्न माग गर्दै आएको थियो ।
स्थानीय तह निर्वाचन ऐनलाई संशोधन गर्नका लागि संसदका दुई वटा बैठक बसेका थिए । पहिलो बैठकबाट व्यवस्थापिका संसद सञ्चालन निययमावली २०७३ को नियम २ सय ५९ बमोजिम सोही नियमावलीको नियम १ सय २७ को उपनियम १ को निलम्बन गरिएको थियो । नियम निलम्बनको प्रस्ताव नेपाली कांग्रेसका प्रमुख सचेतक चिनकाजी श्रेष्ठले प्रस्तुत गरेका थिए । नियम निलम्बन पछि गृहमन्त्री जनार्दन शर्माले स्थानीय तह पहिलो संशोधन विधेयक २०७४ माथि विचार गरियोस् भन्ने प्रस्ताव प्रस्तुत गरेका थिए । मधेस केन्द्रित राष्ट्रिय जनता पार्टीको माग सम्वोधन गर्न सरकारले ‘फाष्ट ट्याकबाट’ स्थानीय तह निर्वाचन सम्बन्धी ऐनमा संशोधन गर्न बनेको विधेयक बहुमतले पारित गरेको हो ।
विधेयक पारित भएसँगै राष्ट्रिय जनता पार्टी नेपालले उठाउँदै आएको दल दर्ता र चुनाव चिन्ह पाउनु पर्ने माग पूरा भएको छ । यसअघि जेठ ३१ गतेका लागि घोषणा गरिएको चुनावमा पनि सहभागि नहुने बताउदै मोर्चाले अडान लिएपछि सरकारले दोस्रो चरणको चुनाव असार १४ गतेका लागि सारेको छ । असार १४ गते हुने निर्वाचनका लागि उम्मेदवार मनोनयनको समय असार २ गतेलाई तोकिएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ