राजनीति

४९ दलले बुझाए आधिकारिक हस्ताक्षर

काठमाडौं, चैत । स्थानीय तह निर्वाचन बहिस्कार गर्ने घोषणा गरेका मधेसवादी केही दलबाहेक अधिकांस दलहरु सक्रिय भएर चुनावमा होमिन थालेका छन् । आगामी बैशाख ३१ गतेका लागि तोकिएको निर्वाचनमा उमेदवारलाई टिकट दिने आधिकारिक हस्ताक्षर बुझाउन उनीहरु निर्वाचन आयोग पुगेपछि चुनावमा उनीहरुको सक्रियता झल्किएको हो । संविधान संशोधन नभएसम्म चुनावमा नजाने बताइरहेका उपेन्द्र यादव नेतृत्वको संघीय समाजवादी फोरमले पनि उमेदवार छनोट गर्दा प्रमाणिकरण गर्ने आधिकारिक हस्ताक्षर बुझाएको छ ।
त्यसैगरी पार्टीकै चुनाव चिन्ह प्रयोग गरेर निर्वाचनमा सहभागी हुन पाउनुपर्ने माग राख्दै संसद बाहिरका ६४ दलको आन्दोलनको नेतृत्व गरिरहेका बाबुराम भट्टराईको नेतृत्वको नयाँ शक्ति पार्टीले पनि प्रमाणिकरणका लागि हस्ताक्षर बुझाएका छन् ।
स्थानीय तह निर्वाचन ऐनको दफा १८ को उपदफा १ बमोजिम आयोगले सम्बन्धित दलको तर्फबाट उमेदवार मनोनयनको औपचारिक पत्र प्रदान गर्न अधिकार पाएको दलको पदाधिकारीको नाम, थर, पद र निजको दस्ताखतको नमुना आयोगले बुधबार चैत ३० सम्म माग गरेको थियो ।
ऐनअनुसार सम्बन्धित दलको केन्द्रीय कार्यकारिणी समिति वा सो सरहको समितिले तोकेको सो समिति वा प्रदेश समितिको पदाधिकारीले प्रमाणित गरी आयोगलाई बुझाउनुपर्ने व्यवस्था छ ।
निर्वाचन आयोगको कानुन शाखाका अनुसार मंगलबार दिउँसोसम्म नेकपा एमाले, नेकपा माओवादी केन्द्र, संघीय फोरम, फोरम लोकतान्त्रिक, नयाँ शक्ति पार्टी लगायत ४९ दलले हस्ताक्षर प्रमाणिकरण गर्ने व्यक्तिको विवरणसहित हस्ताक्षर बुझाएका छन् ।
आयोगमा हस्ताक्षर प्रमाणिकरण गर्ने व्यक्ति तोकेर उपेन्द्र यादवले हस्ताक्षर गरेको पत्र पठाएको उक्त पार्टीका वरिष्ठ नेता अशोक राईले भने हस्ताक्षर बुझाएको कुरा अस्वीकार गरेका छन् । उनले भने, “हामीले आयोगमा दल दर्ता गरेका छौं । तर त्यसपछि कुनै विवरण बुझाएका छैनौं ।” केही दलले मंगलबार बुझाए पनि केही दलले बुधबार पनि हस्ताक्षेर बुझाउने तयारी थालेको बुझिएको छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ