राजनीति

राप्रपाको एकता महाधिवेशनमा लोहनी पनि अध्यक्षका आकांक्षी

काठमाडौं– राष्ट्रिय प्रजातन्त्र पार्टीको एकता महाधिवेशन आजदेखि काठमाडौंमा सुरु हुँदैछ । महाधिवेशनको उद्घाटन भृकुटी मण्डपमा दिउँसो १ बजे हुनेछ । महाधिवेशको उद्घाटन राप्रपा अध्यक्ष कमल थापाले गर्नेछन् । राप्रपा नेपाल र राप्रपाको एकतापछि पहिलो पटक हुन लागेको महाधिवेशनमा एक लाखभन्दा बढी जनसहभागिता रहने राप्रपाले जनाएको छ । महाधिवेशनमा देशभरबाट तीन हजार चार सय ७० जना महाधिवेशन प्रतिनिधि सहभागी हुने छन् ।

पार्टीका विभिन्न जनवर्गीय संगठनले काठमाडौँका ५४ स्थानबाट विभिन्न जाति तथा समुदायका भेषभूषा तथा सांस्कृतिक बाजागाजा र झाँकीसहित पदयात्रा गरी समारोहस्थल भृकुटीमण्डप पुग्ने बताइएको छ । महाधिवेशनको उद्घाटनसत्रमा विभिन्न राजनीतिक दलका प्रमुखसँगै कुटनीतिक नियोगका पदाधिकारीहरुको सहभागिता रहने राप्रपाले जनाएको छ । महाधिवेशनबाट अध्यक्षको नेतृत्वमा एक सय ६१ केन्दीय सदस्य तथा २४ सदस्यीय कार्यसमिति गठन हुनेछ । शनिबारदेखि बन्दसत्र सुरु हुने राप्रपाले जनाएको छ । तत्कालीन राप्रपा र राप्रपा नेपालबीच गत मंसिर ६ गते एकता भएको थियो ।

यसैबीच, राप्रपाका शीर्ष नेताबीच अध्यक्ष कमल थापालाई महाधिवेशनपछि अध्यक्ष बनाउने लिखित सहमति भंग भएको छ । यसअघि पार्टीका राष्ट्रिय अध्यक्ष डा।प्रकाशचन्द्र लोहनीले पार्टीको केन्द्रीय नीति निर्धारण तथा निर्देशन समितिको नेतृत्व गर्ने र थापाले पार्टीको नेतृत्व गर्ने सहमति चार शीर्ष नेताबीच भएको थियो । सहमतिमा पूर्वप्रधानमन्त्री लोकेन्द्रबहादुर चन्द, कमल थापा थापा, डा लोहनी र पशुपतिशमशेर राणाले हस्ताक्षर गरेका थिए ।

लोहनीले राप्रपाको चुनाव चिन्ह हलो राख्ने र पदाधिकारीमध्ये आधा निर्वाचित हुनुपर्ने पूर्ववत् सहमति पालना नभएको भन्दै यो अवस्थामा बुधबारको सहमति लागू हन नसक्ने बताएका छन् । लोहनीले अब महाधिवेशनमा पार्टी अध्यक्षमा उम्मेदवारी दिने भएका छन् । ‘पार्टी एकीकरण भएपछि चुनाव चिन्ह हलो हुने अनि चारजना महामन्त्री र पाँचजना उपाध्यक्षमध्ये दुई–दुईजना निर्वाचित हुने भन्ने थियो, यो सहमति पालना नभएपछि बुधबारको सहमति पालना गर्नुपर्ने अवस्था अब रहेन,’ राष्ट्रिय अध्यक्ष लोहनीले भनेका छन्, ‘अब म हलो चिन्ह पुनस्र्थापनाका लागि पार्टीका सबै साथीहरूलाई आह्वान गरेर अघि बढ्ने निष्कर्षमा पुुगेको छु ।’

कार्यसम्पादन समितिले प्रस्ताव गरेको विधानमा विगतका यी सहमति उल्ट्याइएको लोहनीको आरोप छ । पार्टीको अस्तित्व र पहिचान जोडिएका सहमति उल्लंघन भएको अवस्थामा अरु विषयमा भएको सहमतिको औचित्य नभएको निष्कर्ष निकाल्दै देशभरिका पार्टी नेता कार्यकर्ताका सुझाबलाई शिरोपर गरेर अघि बढ्ने उनले बताएका छन् ।

६ फागुन २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ