राजनीति

संसद बैठक अवरुद्ध हुने संकेत

काठमाडौं– संविधान संशोधन प्रस्तावलाई लिएर प्रमुख प्रतिपक्षी दल नेकपा एमालेले लगातार अवरुद्ध गराउँदै आएको संसद बैठक आइतबार पनि अवरुद्ध हुने संकेत देखिएको छ ।
दिउँसो एक बजेको लागि बोलाइएको संसद बैठक अवरुद्ध पार्ने एमालेसहितका विपक्षी ९ दलले निर्णय गरिसकेका छन् । विपक्षी दलले संविधान संशोधन प्रस्ताव दर्ता भएसँगै निरन्तर संसद अवरुद्ध पार्दै आएका छन् । बैठकमा सरकारले संशोधन प्रस्ताव टेबुल हुने बताए पनि विपक्षीको निर्णयसँगै प्रस्ताव दर्ता हुने नहुनेमा अन्योलता सिर्जना भएको हो।
संशोधन विधेयकमा प्रदेशको सीमाङ्कन, भाषा, नागरिकता र राष्ट्रियसभामा प्रतिनिधित्वजस्ता विषय समेटिएका छन् । तर, सीमांकन, भाषा, नागरिकतालगायतका विषयमा एमालेले असहमति जनाउँदै आएको छ । सर्वोच्चले यही प्रकरणमा गरेको फैसलामा सीमांकनको सवाल प्रदेशसभाले मात्रै हेरफेर गर्न सक्ने भनिदिए पनि एमालेले यही ‘प्वाइन्ट’ को सहारा लिएर संशोधन टेबलु हुन नसक्ने दाबी गर्दै आएको छ ।
बैठकको सम्भावित कार्यसूचि
–बैठकमा उपप्रधानमन्त्री विमलेन्द्र निधिले स्थानीय तह निर्वाचन विधेयक, २०७३ लाई प्रस्ताव गर्न अनुमति माग्ने प्रस्ताव प्रस्तुत गर्नुका साथै स्थानीय तह निर्वाचन विधेयक,२०७३ प्रस्तुत गर्ने छन् । यस्तै निर्वाचन संशोधन विधेयकलाई प्रस्तुत गर्न अनुमाति माग्ने प्रस्तावमाथि सांसद प्रेम सुवाल, अनुराधा थापा मगर डिल्लीप्रसाद काफ्लेले प्रस्तुत गरेको विरोधको सूचनालाई निर्णयार्थ प्रस्तुत गरिने छ ।
यस्तै सांसद चित्रबहादुर केसी मिनापुनले प्रस्तुत गरेको विरोधको सुचनालाई पनि निर्णयार्थ प्रस्तुत गरिने विषय पनि सम्भावित कार्यसूचिमा छ । त्यसपछि कानुन न्याय तथा संसदीय मामिलामन्त्री अजयशंकर नायकले संविधान संशोधन विधेयक प्रस्तुत गर्ने सम्भावित कार्यक्रममा उल्लेख छ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ