राजनीति

सहमति ‘प्याकेज’मा, अन्तर्विरोध व्यवहारमा

काठमाडौं– प्रमुख तीन दलका नेता संविधान संशोधन र अख्तियार प्रमुखमाथिको महाभियोगलगायतका विषय ‘लेनदेनको आधारमा’ टुंग्याउन सिद्धान्ततः सहमत भए पनि उनीहरुले अन्य अन्तरविरोधलाई सम्बोधन गर्न सकेका छनैन् ।
सभामुख ओनसरी घर्तीमगरले सोमबार डाकेको बैठकमा तीन दलका नेता प्याकेजमा ‘डिल’ गर्न सहमत भए पनि संविधान संशोधनलाई कुनै पनि हालतमा स्वीकार नगर्ने र त्यसलाई फिर्ता गर्नेपर्ने अडान एमालेले राखेपछि ‘सैद्धान्तिक सहमति’ व्यवहारमा परिणत हुन सकेन ।
प्रमुख तीन दलले २ दिन भित्र राजनीतिक गतिरोध अन्त्य गर्ने प्रतिवद्धता जनाएका हुन् ।
सभामुख घर्ती सामू प्रमुख प्रतिपक्ष एमालेसहित काँग्रेस र माओवादी केन्द्रका शीर्ष नेताहरुले मुलुकलाई निकास दिन अव ढिलाई नगर्ने बचन दिएका भए पनि त्यो व्यवहारमा देखिएको छैन । बैठकको सुरुमै प्रधानमन्त्री दाहालले निर्वाचनमा जान पनि संविधान संशोधन प्रस्ताव ल्याउनु परेको भन्दै विपक्षी एमालेलाई सरकारको बाध्यता बुझिदिन आग्रह गरेका थिए । जवाफमा एमाले अध्यक्ष ओलीले राष्ट्रघाती संविधान संशोधन विधयेक फिर्ता नभई अघि बढन नसकिने अडान राखेका थिए । बैठकमा नेताहरुले आ–आफनै अडान राखेपनि २ दिन भित्र समस्या समाधान हुनेगरी वार्तामा बस्ने सहमति भएको नेकपा माओवादी केन्द्रका नेता एवम उपप्रधानमन्त्री तथा अर्थमन्त्री कृष्णबहादुर महराले जानकारी दिए ।
काँग्रेस वरिष्ठ नेता रामचन्द्र पौडेलले संविधान संशोधन प्रस्ताव, निर्वाचनको मिति घोषणा लगायतका विषयमा प्याकेजमै सहमति गर्नका लागि संवाद प्रक्रियालाई तीव्रता दिने सहमति भएको प्रतिक्रिया दिए । प्रमुख प्रतिपक्षी एमाले उपाध्यक्ष बामदेव गौतमले संविधान संशोधन प्रस्ताव फिर्ता नभएसम्म संसदको गतिरोध जारी राख्ने अडानबाट पछि हटन नसकिने स्पष्ट पारे ।
दलीय अडान यस्तोः
संशोधन विधेयक अघि बढाएर पुरानै संरचनामा स्थानीय निकायको निर्वाचन यथासक्य गराउनुपर्ने पक्षमा उभिएको छ भने प्रमुख प्रतीपक्षी दल नेकपा एमालेले भने नयाँ संरचनामा निर्वाचन हुनुपर्ने कुरालाई जोड दिएको छ । त्यस्तै उसले निलम्वित अख्तियार प्रमुख लोकमानसिंह कार्की विरुद्धको महाभियोगको प्रस्ताव अघि बढाउनुपर्नेमा जोड दिदै आएको छ । यता, माओवादी केनद्रले भेन संशोधन विधेयक अघि बढाएर नयाँ अथावा पुरानो ढाँचामा भए पनि स्थानीय निकायको चुनाव गराउनु पर्ने मत राख्दै आएको छ । त्यस्तै, मधेसी मोर्चाले पनि कांग्रेस र माओवादी केन्द्रले भनेझैँ संविधान संशोधन विधेयक अघि बढाउनुपर्ने विषयलाई प्राथमिकता दिँदै आएको छ ।

६ पुस २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ