राजनीति

देउवा र मोदीबीचको भेटवार्ता मंगलबारका लागि सर्यो

काठमाडौं– भारत भ्रमणमा रहेका नेपाली कांग्रेस सभापति शेरबहादुर देउवा र भारतीय प्रधानमन्त्री नरेन्द्र मोदीबीच मंगलबार भेटवार्ता हुने भएको छ । दिल्लीमा सोमबार हुने भनिएको भेटवार्ता मंगलबारका लागि सारिएको छ। तर भेटघाटको समय भने तोकिएको छैन ।

नेपाली कांग्रेसको भातृ संस्था जनसम्पर्क समिति भारतका अध्यक्ष बालकृष्ण पाण्डेले दिएको जानकारी अनुसार देउवाको मंगलबार मोदीसँग भेटघाट हुनेछ। ‘उहाँले सोमबार बिहान सत्तारुढ भारतीय जनता पार्टी(भाजपा)का नेता भगतसिंह कोसियारीसँग भेटवार्ता गरेका थिए ।

देउवाको निर्धारित भ्रमणतालिकाअनुसार मंगलबार नेपाल फर्कने कार्यक्रम भए पनि मोदीसँगको भेटवार्ताको समय निर्धारण भइनसकेकोेले देउवाको दिल्ली बसाई एक दिन लम्बिने सम्भावना देखिएको छ। सोमबार भेटवार्ता भएको भए मंगलबार स्वदेश फर्किने कार्यतालिका रहेको थियो ।

भारतीय जनता पार्टी निकट ‘इण्डिया फाउण्डेसन’ले आयोजना गरेको ‘इण्डिया आइडियाज कन्क्लेभ–२०१६’ लाई देउवाले शुक्रबार साँझ गोवामा सम्बोधन गरेका थिए। ‘वेटिङ’ प्रधानमन्त्रीका रुपमा समेत हेरिएका देउवाले ‘स्वायत्त तिब्बत’ माग गरिरहेका निर्वासित तिब्बत सरकारका प्रधानमन्त्री लोब्साङ साङ्गेभन्दा अघि कार्यक्रमलाई सम्बोधन गरेका थिए।

त्यसैगरी आइतबार देउवालाई जवहारलाल नेहरु विश्वविद्यालयले मानार्थ विद्यावारिधि उपाधि दिएको थियो । देउवालाई ’१२औं नेहरु मेमोरियल लेक्चर’मा अतिथि वक्ताका रुपमा बोलाएर जेएनयूले मानार्थ पिएचडी दिएको हो। सोमबार देउवाले जेएनयुको कार्यक्रममा संविधान संसोधन गरेर मधेसीसहित असन्तुष्ट पक्षको माग पूरा गरी संविधानलाई सर्वस्वीकार्य बनाउने बताएका थिए ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ