राजनीति

संघीय चुनावका लागि आवश्यक विधेयक कार्तिक मसान्तभित्र ल्याउने तयारी

काठमाडौं– सरकारले संघीय चुनाव लागि आवश्यक पर्ने सबै विधेयक कात्तिक मसान्त भित्र ल्याउने तयारी गरेको छ । कानुन न्याय तथा संसदीय मामिला मन्त्रालयले पत्रकार सम्मेलन गरी कानुनी अड्चनका कारण निर्वाचन नहुने अवस्था श्रृजना हुन नदिने जनाएको हो । मन्त्रालयले संघीय निर्वाचनका लागि आवश्यक पर्ने ऐनहरु बनाउनका लागि आफुहरु दृढ र प्रतिवद्ध रहेको भन्दै कात्तिक मसान्त सम्ममा सबै विधेयकलाई व्यवस्थापिका संसदमा पेश गरिसक्ने बताएको हो ।
संघीय निर्वाचनका लागि आवश्यक पर्ने जम्मा ८ वटा ऐन मध्ये राजनीतिक दल सम्बन्धी, मतदाता नामावली, निर्वाचन आयोग ऐन सम्बन्धी ३ वटा विधेयक व्यवस्थापिका संसदमा पेस भईसकेका छन् । स्थानीय तहको निर्वाचन सम्बन्धी विधेयकमा कानुन मन्त्रालयले सहमति दिईसकेको छ । सो विधेयक गृहमन्त्रालयबाट मन्त्री परिषद्मा मस्यौदा स्वीकृतका लागि जाने क्रममा छ ।
संघीय निर्वाचनका लागि आवश्यक पर्ने अन्य प्रतिनिधि सभा विधेयक, राष्ट्रियसभा निर्देशन र प्रदेशसभा सदस्य विधेयक बनाउन बाँकी छ । ती विधेयक बनाउनका लागि पहिला राजनितिक तहमा नितिगत निर्णय भई मन्त्रालयलाई निर्देशन आउनुपर्ने सचिव ढुंगानाले बताउनुभयो । संविधान कार्यान्वयनका लागि १ सय १० वटा विषयमा संघीय कानुन, २२ वटा विषयमा प्रदेश कानुन र ६ विषयमा स्थानीय कानुन बनाउनुपर्ने छ । ती मध्ये २८ वटा विधेयक मात्र व्यवस्थापिका संसदबाट पास भइसकेका छन् । ३९ वटा विधेयक व्यवस्थापिका संसदमा विचाराधिन छन् । कानुन मन्त्रालयले व्यवस्थापिका संसदमा विधेयक पेश गर्नका लागि ८ वटा विषयमा स्वीकृत दिईसकेको छ ।
१२ कार्तिक, २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ