राजनीति

पुनःनिर्माणको काम युद्धस्तरमा गर्न प्रमको निर्देशन

काठमाडौं– प्रधानमन्त्री पुष्पकमल दाहालले पुनःनिर्माण प्राधिकरणलाई परिणाममुखी काम युद्धस्तरमा गर्न निर्देशन दिएका छन्। राष्ट्रिय पुनःनिर्माण प्राधिकरण निर्देशक समितिको बैठकमा प्रधानमन्त्री दाहालले सरकारको घोषणा अनुसार नतिजा निकाल्ने गरी काम गर्न निर्देशन दिएका हुन्।

प्रधानमन्त्री अध्यक्ष रहने निर्देशक समितिको बैठक दाहाल प्रधानमन्त्री भएपछि पहिलो पटक बसेको हो। बैठकले १० दिनभित्र प्रधानमन्त्रीको नेतृत्वमा रहेको पुनःनिर्माण परामर्श परिषदको बैठक बोलाउन पनि निर्णय गरेको छ।

आइतबार र सोमबार बसेको निर्देशक समितिको बैठक समापन गर्दै प्रधानमन्त्री दाहालले भने, ुयो बैठकलाई गम्भीरतापूर्व लिन र सरकारको घोषणा अनुसार नतिजा निकाल्ने गरी काम गर्न निर्देशित गर्दछु।ु दाहालले एक महिनाभित्र फेरि बस्ने निर्देशक समितिको बैठकमा घोषित नतिजा प्राप्त भएको रिपोर्ट लिएर आउन निर्देशन दिए।

बैठकले पुनःनिर्माणको प्रयोजनका लागि सहसचिवको नेतृत्वमा क्षेत्रीय स्तरमा बनाइएको संरचना सफल हुन नसकेको निष्कर्ष निकाल्दै जिल्ला स्तरमा सांसदको नेतृत्वमा प्रमुख जिल्ला अधिकारी र जिल्लास्तरीय राजनीतिक दलका प्रतिनिधि सम्मिलित सचिवालय गठन गरेर कामलाई प्रभावकारी बनाउने निर्णय गरेको छ।

बैठकमा प्रधानमन्त्रीले १४ जिल्लाको राहतको कामलाई सम्पन्न गरी बाँकी १७ जिल्लाका भूकम्प पीडितलाई तुरुन्त पहिलो किस्ता अनुदान वितरणको व्यवस्था गर्न निर्देशन दिए।

प्रधानमन्त्रीले ३१ जिल्लामा दोस्रो किस्ताको राहत रकम वितरणका लागि राष्ट्रिय योजना आयोग र अर्थ मन्त्रालय तयार रहेको भन्दै मन्त्रालय र आयोगसँग समन्वय गरी दोस्रो किस्ता राहत वितरणको गृहकार्य गर्न पनि आयोगलाई भने।

बैठकमा प्राधिकरणका कार्यकारी निर्देशक सुशील ज्ञवालीले प्रधानमन्त्रीको घोषणा बमोजिम कार्यसम्पादन गर्न आयोग प्रतिवद्ध रहेको बताएका थिए।
१० असोज, २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ