राजनीति

कसैको स्वार्थका लागि संविधान संशोधन हुँदैनः ओली

काठमाडौँ- एमाले अध्यक्ष केपी ओलीले कसैको स्वार्थ र आग्रह सम्बोधन गर्न संविधान संशोधन हुन नसक्ने बताएका छन्।दशदिने थाइल्यान्ड भ्रमणपछि सोमबार स्वदेश फर्किएका निवर्तमान प्रधानमन्त्री ओलीले अन्तर्राष्ट्रिय विमानस्थलमा पत्रकारहरूसँग कुरा गर्दै कुनै औचित्यविना संविधान संशोधन असम्भव रहेको बताए।

‘कसैको दबाब र बहकाउमा देशको अहित हुने गरी, लोकतन्त्रलाई अप्ठ्यारो पार्ने गरी कसैको स्वार्थ र आग्रह सम्बोधनका लागि संविधान संशोधन हुँदैन,’ ओलीले भने, ‘लहडबाजी, जिद्दी वा आग्रह पूरा गर्न होइन, देशको आवश्यकता र अग्रगमन, देशको इज्जत र प्रतिष्ठा माथि उठाउनका लागि मात्रै संशोधन हुन्छ।’ आजको नयाँ पत्रिकामा खबर छापिएको छ।

सरकारले संघीय गठबन्धनको माग सम्बोधनका लागि संविधान संशोधनको गृहकार्य बढाइरहेका वेला ओलीको यस्तो धारणा आएको हो। ओलीले संविधान संशोधनको ठोस प्रस्ताव आएपछि मात्रै एमालेले धारणा बनाउने स्पष्ट पारे। संशोधनको माग गर्नेहरूले नै एमालेसँग कुनै औपचारिक प्रस्ताव नराखेको र सरकारले पनि कुन–कुन बुँदामा केका लागि संशोधन भन्ने स्पष्ट नराखेको भन्दै उनले यसबारे औपचारिक धारणा बनाइनसकेको स्पष्ट पारे।

‘जतिवेला विषय आउँछ, त्यतिवेलै ठोस धारणा बनाउँछौा, अखबारमा आएका भरमा प्रतिक्रिया दिँदै हिँड्ने कुरा भएन,’ उनले भने। ओलीले अस्वाभाविक र अप्राकृतिक ढंगले राष्ट्रहितविरुद्ध बहुमतको दुरुपयोग गर्नेहरूसँग बजेट आश्रित विधेयक पास गर्न संसद्मा लैजाने नैतिकता नभएको टिप्पणी पनि गरे।

‘बहुमतलाई कहिल्यै राष्ट्रिय हितविरुद्ध दुरुपयोग गरिँदैन, तर त्यतिवेला अस्वाभाविक र अप्राकृतिक बहुमतको लज्जास्पद ढंगले दुरुपयोग गरियो,’ ओलीले भने, ‘जसले त्यतिवेला बेठीक भन्दै असफल तुल्यायो, उसैले कुन नैतिकतामा उभिएर फेरि विधेयक पारितको प्रस्ताव ल्याउन सक्छ ?’ आजको नयाँ पत्रिकामा खबर छ।

२१ भदाै, २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ