राजनीति

पहिलो मर्यादाक्रमका खाली कुर्चीले गिज्याइरहेछ...

काठमाडौं–प्रमुख दलका शीर्ष नेताहरुले संसदलाई उपेक्षा गरेको भन्दै सांसदहरुले आक्रोश पोख्न थालेका छन् । शीर्ष नेताहरुले संसदलाई सत्ताको भर्‍याङ बनाउने कार्यवाहेक अरु केही नगरेको उनीहरुको आरोप छ । पहिलो मर्यादाक्रममा रहेका खाली आसनतर्फ इंगित गर्दै नियमित संसद बैठकमा उपस्थित हुँदै आएकाहरुको आवाज हो यो ।

संविधानसभाको पहिलो बैठकदेखि व्यवस्थापिका संसदको सोमबार बसेको बैठकसम्म अधिकांश दिन शीर्ष नेताहरुसहितका कुर्ची खाली देखिए । पहिलो मर्यादाक्रममा रहने सबै नेताको कुर्सी खाली देखिनु लज्जाको विषय समेत बनेको छ । संसदको सोमबारको बैठकमा केही सांसदले विशेष समय लिएर संसदमा शीर्षसहति पहिलो मर्यादाक्रममा रहेने नेताहरुको आसन महिनौसम्म किन र केका लागि खाली हुन्छ भन्दै सभामुखको ध्यानाकर्षण गरेका थिए ।

बैठकमा सांसदहरूले दुर्घटना बढेको भन्दै सडकलाई व्यवस्थित गर्न समेत सरकारसँग माग गरे । संसद बैठकमा विशेष समय लिएर सांसदहरूले हरेक दिन सडक दुर्घटना बढ्नुमा दोषी को भन्दै सरकारको ध्यानाकर्षण गराएका हुन् । बैठकमा सांसद् रेशमबहादुर बानियाँले दुर्घटनाबाट पछिल्लो समय ठूलो जनधनको क्षति भएको भन्दै सडकलाई व्यवस्थित गर्न र सवारी चालक अनुमतिपत्र वितरण व्यवस्थालाई समयसापेक्ष बनाउन माग गरे ।

त्यस्तै सांसद डाक्टर दुमनसिंह थापा क्षेत्रीले पहाडका सडक कच्ची हुनु र पुराना सवारी साधनका कारण दुर्घटना बढेको बताए । सांसद लीलादेवी श्रेष्ठले यातायात क्षेत्रमा देखिएको सिण्डिकेट व्यवसायीले नभई सरकारले नै गरिरहेको आरोप लगाइन् । उनले सडकको नाजुक अवस्थालाई सुधार गर्नुपर्ने भन्दै यातायात क्षेत्रलाई व्यवस्थित बनाउन प्राधिकरणको व्यवस्था गर्न पनि माग गरिन् । संसद्को अर्को बैठक मंगलबार दिउँसो २ बजे बस्दैछ ।

यसैबीच, व्यवस्थापिका–संसद्ले विशेष आर्थिक क्षेत्र (सेज) विधेयक–२०७१ लाई बहुमतले पारित गरेको छ । अघिल्लो सरकारले संसद्मा पेश गरेको विधेयक सोमबार बसेको संसद् बैठकले बहमुतले पारित गरेको हो । विधेयक पारित गर्नुअघि बैठकमा उठेका प्रश्नको जवाफ दिँदै उद्योगमन्त्री नविन्द्रराज जोशीले मुलुकको आर्थिक क्षेत्रको विकास र निर्यात व्यापार बढाउन यो विधेयक ल्याइएको बताए ।
१४ भदाै, २०७३ ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ