राजनीति

बुधबार मन्त्रिपरिषद विस्तार हुँदै, कांग्रेसबाट सर्ट लिस्टमा को–को छन् ?

काठमाडौं– बुधबार मन्त्रिपरिषदले पूर्णता पाउने भएको छ । नेपाली कांग्रेसले आफ्नो भागका मन्त्री बुधबार पठाउने भएपछि मन्त्रिपरिषद्ले पूर्णता पाउने भएको हो । सभापति शेरबहादुर देउवाले कांग्रेसको तर्फबाट सरकारमा जाने मन्त्रीहरुको टुंगो लगाइसकेका बताएका छन् । उनले मन्त्री छनोटका विषयमा पार्टीमा कुनै पनि विवाद नरहेको बताए ।

कांग्रेस महामन्त्री शशांक कोइरालाले मंगलबार टोखास्थित निवासमा आयोजना गरेको भेटघाट तथा चियापान कार्यक्रममा देउवाले भने, ‘सबै टुंगो लागिसकेको बताएका हुन् । कांग्रेसले भागमा परेका १३ मन्त्रालयमध्ये हालसम्म विमलेन्द्र निधि र रमेश लेखकमात्र सरकारमा छन् । अझै ११ जनालाई कांग्रेसले छनोट गर्न बाँकी छ ।

कोइराला लामो समयको उपचारपछि मंगलबार पहिलोपटक सार्बजनिक भएका हुन् । उनले आफ्नै निवासमा आयोजना गरेको चियापान कार्यक्रममा जिल्ला कांग्रेसका शिर्ष नेताहरु, जिल्ला सभापतिहरु र कार्यकर्ताहरु सहभागी थिए । पहिलो मन्त्रिपरिषदमा कांग्रेसका तर्फबाट विमलेन्द्र निधी र रमेश लेखकलाई सरकारमा पठाएका देउवाले बुधबार आफू निकटका लागि मन्त्री बनाउने तयारी गरेका हुन् ।

बुधबार मन्त्री बन्नेहरुमा अर्जुननरसिंह केसीसहित डा.प्रकाशशरण महत, फरमुल्लाह मन्सुर, बालकृष्ण खाँड, भीष्मराज आङ्दम्बे, जीवनबहादुर शाही र अम्बिका बस्नेतको नाम चर्चामा रहेको छ । यसअघि गृह नपाएर असन्तुष्टी जनाउँदै मन्त्रीमा नगएका केसीलाई शिक्षा तथा बालकृष्ण खाँडलाई रक्षा मन्त्रालय दिने तयारी छ । यस्तै, मन्सुरलाई सिँचाइ, शाहीलाई वन र भीष्मराज आङ्दम्बेलाई श्रम तथा रोजगार मन्त्रालयको जिम्मेवारी दिने तयारी भएको स्रोतको दाबी छ ।

देउवाले बाँकी चार वटा मन्त्रालयमा रामचन्द्र पौडेल र कृष्णप्रसाद सिटौलाको सिफारिसमा मन्त्री बनाउने भएका छन् । पौडेलले आफ्नोतर्फबाट कोषाध्यक्ष शेखर कोइराला, सीतादेवी यादव, नबिन्द्रराज जोशी, दीपक गिरी र कमला पन्तको नाम चर्चामा छ । गिरीलाई महामन्त्री सशांक कोइरालाको आग्रहमा पौडेलले सिफारिस गरेका हुन् । शेखर कोइराला भने परराष्ट्र मन्त्रालय पाए मात्रै जाने स्रोतको भनाइ छ । देउवाले भने परराष्ट्रमा आफू पक्षका प्रकाशरणलाई बनाउने योजनामा छन् ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ