राजनीति

मन्त्री महराको चीन भ्रमणको वेली-विस्तार

काठमाडौं– प्रधानमन्त्री पुष्पकमल दाहालको विशेष दूतका रुपमा चीन गएका उपप्रधान तथा अर्थमन्त्री कृष्णबहादुर महरा चीनको साताव्यापी भ्रमण सकेर शनिबार स्वदेश फर्केका छन् । अर्का दूत विमलेन्द्र निधिले भारतमा उच्च तहको भेटघाट गरिरहनु भएको छ ।

चीनको भ्रमण सकेर शनिबार नेपाल फर्किएका उपप्रधानमन्त्री तथा अर्थमन्त्री महरा त्रिभुवन अन्तर्राष्ट्रिय विमानस्थलमा निकै मख्ख देखिएका थिए । पत्रकार सम्मलेनमा मन्त्री महराले पुस्तक पढेझैँ खरररर चीन भ्रमणको बेलीविस्तार सुनाए ।

चीन भ्रमणका क्रममा नेपाली टोलीले निकै महत्व पाएको महराले दाबी गरे । भ्रमणको सुरुमै चिनियाँ विदेशमन्त्री वाङ यीसँगको भेटघाटले आफू निकै उत्साहित भएको महराको प्रतिक्रिया थियो ।
‘विदेशमन्त्रीले नेपाली टोलीले उठाएका हरेक कुरालाई पोजेटिभ रेस्पोन्स गर्नुभयो’ प्रफुल्लित मुद्रामा उपप्रधानमन्त्री तथा अर्थमन्त्री महराले जानकारी दिए ।

यसैबीच चीन नयाँ सरकार गठनमा सकारात्मक देखिएको भन्दै मन्त्री महराले यसअघि केपी ओली नेतृत्वको सरकारले चीन सरकारसँग गरेका सम्झौता अहिलेको नयाँ सरकारले कार्यान्वयन गर्नेमा आफू ढुक्क रहेको बताए । चिनियाँ प्रधानमन्त्री ली खछियाङ र विदेशमन्त्री वाङ यीसँगको भेटमा केपी ओली सरकार लगायत यसअघिका सरकारले गरेका सबै सन्धी सम्झौता कार्यान्वयन गर्न प्रचण्ड सरकार प्रतिवद्ध रहेको महराले जानकारी गराए ।
महराले चीनसँगका विकास तथा कुटनीतिक सम्झौता कार्यान्वयन गर्न नेपाल तयार रहेको जनाएपछि चिनियाँ पक्ष पनि खुसी भएको महराको दावी छ । नेपालको प्रतिबद्धता सुनेर चीनका प्रधानमन्त्रीले चीनले नेपालमा थप सहयोग गर्ने चाहेको बताएको महराको दावी छ ।

उनले चीनका राष्ट्रपति सि जिङ पिङको सम्भावित नेपाल भ्रमण लगभग पक्का भएको पनि जानकारी दिए । राष्ट्रपति विद्यादेवी भण्डारी र प्रधानमन्त्री पुष्पकमल दाहाल प्रचण्डले आफ्ना समकक्षीलाई पठाएको निम्तोपत्रले चिनियाँ अधिकारी उत्साहित भएको जनाए ।

Comments

उस्तै उस्तै खबरहरु

‘नेकपा’ बन्याे इतिहासकै शक्तिशाली पार्टी

काठमाडौं, ४ जेठ । नेकपा एमाले र माओवादीकेन्द्र मिलेर बनेको नयाँ पार्टी ‘नेपाल कम्युनिष्ट पार्टी’ इतिहासकै शक्तिशाली पार्टी बनेको छ । टुटफुटको इतिहास बोकेका दुई ठूला कम्युनिष्ट पार्टीको ऐतिहासिक एकीकरणले जन्मिएको नेकपा दक्षिण एसियाकै ठूलो कम्युनिष्ट पार्टी बनेको छ ।
एमाले–माओवादी मिलेर ‘नेपाल कम्युनिष्ट पार्टी’ घोषणा

काठमाडौं, जेठ । एमाले–माओवादी पार्टीबीच एकता भएको छ । बिहीबार अपरान्ह राष्ट्रिय सभागृहमा भएको घोषणा सभामा दुवै पार्टी एकीकरण गरी नयाँ ‘नेपाल कम्युनिष्ट पार्टी’ घोषणा गरिएको हो । एकतापछि नयाँ पार्टीमा ४४१ सदस्यीय केन्द्रीय समिति बनाइएको छ ।
‘मोदीको नेपाल भ्रमण ऐतिहासिक’

काठमाडौं, ३० बैशाख । सरकारले भारतीय प्रधानमन्त्री नरेन्द्र मोदीको नेपाल भ्रमण सफल र ऐतिहासिक भएको बताएको छ । दुई दिने राजकिय भ्रमण सकेर शनिबार भारतीय प्रधानमन्त्री नरेन्द्र मोदी स्वदेश फर्किए लगत्तै अन्तराष्ट्रिय विमानस्थलमा सञ्चारकर्मीलाई प्रतिक्रिया दिँदै
राष्ट्रपति भण्डारी र मोदीबीच भेट

काठमाडौं, २८ बैशाख । नेपालको दुई दिने राजकीय भ्रमणमा रहेका भारतका प्रधानमन्त्री नरेन्द्र मोदीले राष्ट्रपति विद्या भण्डारीलाई भेटेका छन्। राष्ट्रपति कार्यालय शीतल निवास पुगेर प्रधानमन्त्री मोदीले राष्ट्रपति भण्डारीसँग भेटवार्ता गरेका हुन्। यस अघि उनले उपराष्ट्रपति नन्दबहादुर पुनलाई भेटेका थिए।
टुँडिखेलमा मोदीलाई गार्ड अफ अनर

काठमाडाैं, २८ बैशाख । नेपालको दुईदिने धार्मिक भ्रमणमा आएका भारतीय प्रधानमन्त्री नरेन्द्र मोदी काठमाडौं आइपुगेसँगै राजनीतिक भेटवार्तामा सक्रिय भएका छन् । भारतबाट एयर इन्डियाको विशेष विमानमार्फत जनकपुर आइपुगेका मोदी केहीबेर दिउँसाे काठमाडाैं अाएका हुन् ।
भारतीय प्रधानमन्त्रीकाे नेपाल भ्रमण (LIVE)

जनकपुर, २८ बैशाख । नेपालको दुई दिने राजकीय भ्रमणमा रहेका भारतीय प्रधानमन्त्री नरेन्द्र मोदीलाई जनकपुरमा भव्य स्वागत गरिएको छ । जानकी मन्दिरमा पूजा आरधना र रामायण सर्किटको उद्घाटनपछि माेदीलार्इ