समाचार

प्रकाश र प्रचण्डबीच अन्तिम समयमा के कुरा भएको थियो ?

काठमाडौं, ५ मंसिर । नेकपा माओवादी केन्द्रका अध्यक्ष पुष्पकमल दाहालले केहीवर्ष अघि छोरीको निधन र अहिले छोराको निधनको पीडा आफूले सम्हाल्ने भए पनि परिवारलाई सम्हाल्न गाह्रो भएको बताएका छन् ।
दाहालको आफ्नै निवास लाजिम्पाटमा पार्टीका कार्यकर्तालाई सम्बोधन गर्दै यस्तो बताएका हुन् ।
यस्तो थियो प्रचण्डले दिएको वक्तव्यको मुख्य धारणा –
निर्वाचनको लागी परिवार कोही कता, कोही कता थियौं । छोरीहरु कोही बिराटनगर कोही चितवन थिए ।
उसको (प्रकाश) को ममी र उ मात्रै यहाँ थिए । बेलुका मैले झापाबाट फोन गरेँ । ज्वरो आएको थियो कस्तो छ भनेर फोन गरेँ । फ्रेस छ भनेर मेडमले भनेपछि र उसले पनि मलाई ठिक छ भनेर भनेको थियो ।
परिवार र पार्टीका लागि क्षति त भयो । प्रकाश म्याचुअर्ड कार्यकर्ता र नेता हुनेगरी अघि बढेको थियो । म प्रधानमन्त्री हुँदा उसका सुझाव नै सफल भएका थिए । मेरो सफलतामा उसको हात प्रमुख थियो । देश र पार्टीको अवस्था बुझेर अघि बढ्दैछ भनेर मलाई गर्व महसुस हुँदै थियो । हिजो पनि स्वतःस्फूर्त रुपमा अन्तिम श्रद्धान्जलीका लागि देशबाट कार्यकर्ताको सहभागीता हुन गयो । पार्टी र परिवारका तर्फबाट धन्यवाद भन्न चाहन्छौं ।
परिवारलाई पनि नयाँ शक्ति र नयाँ जिम्मेवारी बोध गराएको छ । म त हिजोदेखि युद्धका चित्कार र पीडा भोगेर आएको हुनाले आफूलाई सम्हाल्न गाह्राे देखेको छैन । मैले आफूलाई सम्हाल्न सक्छु भन्ने लागेको छ । परिवार र आमालाई सम्हाल्न गाह्राे भएको छ ।

Comments

उस्तै उस्तै खबरहरु

ग्रेटर न्यूयोर्क नेपाली चेम्बर अफ कमर्शको अध्यक्षमा प्रदीप श्रेष्ठ

न्यूयोर्क । अमेरिकाको न्यूयोर्क आसपासमा व्यवसाय गरिरहेका नेपाली एवं नेपाली मूलका अमेरिकी व्यवसायीहरु संगठित भएका छन् । उनीहरुले ग्रेटर न्यूयोर्क नेपाली चेम्बर अफ कमर्श गठन गरेका हुन् । न्यूयोर्क, न्यूजर्सी र कनेक्टिकट राज्यमा व्यवसाय गर्ने नेपाली एवं नेपाली भाषी व्यवसायीहरु संलग्न रहेको यो संस्थामा ७४ वटा व्यवसायिक कम्पनी आवद्ध भएका छन् । एक वर्षसम्मको तयारीपछि गरिएको साधारणसभाले प्रदीप श्रेष्ठको अध्यक्षतामा सात सदस्यीय कार्यसमिति निर्वाचित गरेको छ ।
नेवाः गुठी न्यूयोर्कले मनायो विश्व नेवाः दिवस

न्यूयोर्क । नेवाः गुठी न्यूयोर्कले सातौं विश्व नेवाः दिवस विशेष कार्यक्रम गरी मनाएको छ । गुठीका अध्यक्ष विजयमान सिं को अध्यक्षतामा भएको उक्त कार्यक्रममा विभिन्न संघसंस्थाका प्रतिनिधिहरुले शुभकामना मन्तव्य व्यक्त गरेका थिए । कार्यक्रममा नेपाली महावाणिज्य दुतावासकी उपवाणिज्य दुत संगिता न्यौपाने, न्यूयोर्कका लागि पर्यटन प्रबर्द्धक एवं पत्रकार गोकुल श्रेष्ठ, आदिवासी जनजाति महासंघ, अमेरिकाका अध्यक्ष तोरण गुरुंग, हिमालयन बुद्धिष्ट कम्युनिटीका अध्यक्ष हृदय तुलाधर, नेवाः गुठीका संस्थापक एवं सल्लाहकार विके नेवाः र गुठीका संस्थापक अध्यक्ष, सल्लाहकार एवं विश्व नेवाः अर्गनाईजेशनका सल्लाहकार आदित्य महर्जनले विश्व नेवाः दिवसको उपलक्षमा शुभकामना मन्तव्य व्यक्त गर्नु भएको थियो ।
ललितपुरका मयेर चिरिबाबुलाई न्यूयोर्कमा स्वागत

न्यूयोर्क । अमेरिका भ्रमणमा रहनुभएका ललितपुर महानगरपालिकाका मेयर चिरिबाबु महर्जनलाई नेवाः गुठी न्यूयोर्कले स्वागत गरेको छ । न्यूयोर्कमा आयोजना गरिएको कार्यक्रममा गुठीले मेयर महर्जनलाई स्वागत तथा सम्मान गरेको हो ।
नेजाको साधारण सभा बोस्टनमा

नेपाल अमेरिका पत्रकार संघ (नेजा) ले आफ्नो १७औं साधारण सभा म्यासाच्युसेट्स राज्यको बोस्टन सहरमा गर्ने भएको छ । टेक्सासको अस्टिनमा भएको नेजाको बैठकले आगामी मे २५ र २६ मा आफ्नो १७औं साधारण सभा गर्ने निर्णय गरेको जनाएको छ । साधारण सभाका लागि नेजाका क्षेत्रीय संयोजक (उत्तर–पूर्व) सुपेन्द्र बस्नेतलाई संयोजक चयन गरिएको महासचिव बाबुराम दाहालले जारी गरेको बक्तव्यमा उल्लेख छ ।
तेश्रो लगानी सम्मेलनका लागि अमेरिकी लागनीकर्तालाई महावाणिज्य दुतावासको आव्हान

अमेरिकी व्यवसायी एवं लगानीकर्तालाई नेपालमा हुन लागेको तेश्रो लगानी सम्मेलनमा सहभागि हुन नेपाली महावाणिज्य दुतावास न्यूयोर्कले आव्हान गरेको छ । न्यूयोर्कस्थित महावाणिज्य दुतावासमा हिजो आयोजना गरिएको “नेपालमा व्यापार, पर्यटन र लगानीका अवसरहरू“ विषयक गोलमेच छलफलमा कार्यवहाक महावाणिज्य दुत विष्णु प्रसाद गौतमले यस्तो आग्रह गर्नु भएको हो ।
नेपालबाट चोरिएका मूर्ति फिर्ता लिएर नेपाल पुग्यो टोली

विभिन्न कालखण्डमा नेपालबाट चोरी गरी तस्करहरुले अमेरिका ल्याएका चार वटा पुरातात्विक मूर्तिहरु नेपाल पुर्याईएको छ । न्यूयोर्क स्थित नेपाली महावाणिज्य दुतावाससँगको समन्वयमा नेवाः गुठीले उक्त पुरातात्वीक मूर्तिहरु नेपाल पुर्याएको हो । मूर्ति नेपाल पठाउनका लागि ठूलो आर्थिक रकम लाग्ने भएपछि कार्यवहाक महावाणिज्य दूत विष्णु प्रसाद गौतमको पहलमा नेवाः गुठी न्यूयोर्कले त्यसको व्यवस्थापन गरेको हो ।