राजनीति

स्थानीय तह तेस्रो चरण चुनावः मतगणना जारी

काठमाडौं, ३ असोज । प्रदेश नम्बर २ का ८ जिल्लाका १३६ वटा स्थानीय तहका लागि सोमबार भएको मतदानपछि  अधिकांश तहको मत गणता रातिबाट नै थालिएको छ भने केही क्षेत्रको मत गणना मंगलबार बिहानबाट थालिएको हो । 
निर्वाचन आयोगमा रहेको संयुक्त निर्वाचन परिचालन केन्द्र (जेइओसी)ले दिएको जानकारी अनुसार पाँच दिनभित्र सबै तहको निर्वाचन परिणाम सार्वजनिक हुनेगरी मतगणना भइरहेको छ । 
राजविराज नगरपालिकाको वडा नं. १५ का राष्ट्रिय जनता पार्टीका वडाध्यक्षका उमेदवारको निधन भएकाले उक्त वडामा असोज ५ गते मतदान भएपछि मात्रै राजविराज नगरपालिकाको मतगणना कार्य सुरु हुने आयोगका प्रवक्ता नवराज ढकालले जानकारी दिए ।