खेलकुद

दोस्रो खेलमा पनि शानदार जित, नेपाल सेमिफाइनलमा प्रवेश

काठमाडौं, २८ भदौ । मलेसियामा जारी एसीसी यू–१९ एसिया कप छनोटमा नेपालले लगातार दोस्रो जित निकालेको छ । बुधबार भएको दोस्रो खेलमा भुटानलाई ९ विकेटले पराजित गर्दै नेपालले लगातार दोस्रो जित निकालेको हो । मलेसियास्थित किनरारा ओभलमा भुटानले दिएको ५१ रनको लक्ष्य नेपालले मात्र ८ ओभर ३ बलमा मात्र १ विकेट गुमाएर पुरा गर्यो  । नेपालको जितमा ओपनर आसिफ शेखले अविजित २३ रन जोडे  ।यस्तै अर्का ओपनर सन्दिप सुनारले २१ रन जोड्दा अनिल कुमार शाह ४ रनमा अविजित रहे  । भुटानका छिरिङ पेन्जोरले एक विकेट लिए  ।

यसअघि टस जितेर पहिले ब्याटिङ्ग गरेको भुटान २८ ओभरमा अलआउट हुँदै ५० रन बनाएको थियो । नेपाली बलर हावी भएपछि भुटानका ब्याट्सम्यानहरु सस्तैमा पेभेलियन फर्किएका थिए । भुटानका टासी फुन्टोशोले १६ तथा उगेन दोर्जीले १३ रन बनाउनु बाहेक अन्य ब्याट्सम्यानले दोहोरो अंक जोड्न सकेनन्  । नेपालका कप्तान दीपेन्द्र सिंह एरीले ८ ओभरमा २३ रन खर्चिएर ५  विकेट लिए । यस्तै सन्दिप लामिछानेले ७ ओभरमा ७ रन खर्चिएर ४ विकेट लिए भने नन्दन यादवले एक विकेट लिएका छन् । 

यो जितसँगै समूह ए मा रहेको नेपालले एक खेल अगाबै सेमिफाइनल स्थान पक्का गरेको छ । जितपछि नेपाल दुई खेलबाट ४ अंक जोडेर समूहको शिर्ष स्थानमा समेत उक्लिएको छ ।  पहिलो खेलमा थाइल्याण्डलाई २५५ रनले पराजित गरेको नेपालले अन्तिम खेलमा बिहिबार सिंगापुरविरुद्ध खेल्नेछ । दुइ खेलमा जित निकालेर ४ अंक नै जोडेको सिंगापुर समूहको दोस्रो स्थानमा छ । एसिया कप छनोटको समूह बी मा भारत, मलेसिया, हङकङ र म्यानमार छन् । फाइनलमा पुग्ने दुई टोली एसिया कपको लागि छनोट हुनेछन् । 

उस्तै उस्तै खबरहरु

  • डीपीएलको उपाधि कस्को पोल्टामा, काठमाडौं कि धनगढी ?

    डीपीएलको उपाधि कस्को पोल्टामा, काठमाडौं कि धनगढी ? काठमाडौं, ३० चैत । धनगढीमा जारी दोस्रो संस्करणको धनगढी प्रिमियर लिग (डीपीएल) क्रिकेटको उपाधि भिडन्त आज हुँदैछ । उपाधिका लागि काठमाडौं गोल्डेन्सल र टिम चौराहा धनगढी भिड्दैछन् ।

  • डिपिएल क्रिकेटमा सुनको जुत्ता पुरस्कार !

    डिपिएल क्रिकेटमा सुनको जुत्ता पुरस्कार ! काठमाडौं, १२ चैत । आगामी चैत १७ गतेबाट हुने दोस्रो संस्करणको धनगढी प्रिमियर लिग (डिपिएल–२) को मोष्ट भ्यालुएबल खेलाडीले नेपाली जुत्ताको ब्राण्ड गोल्डस्टारको सुनको जुत्ता पाउने भएका छन् । डिपिएल आयोजक धनगढी क्रिकेट एकेडेमी (डीसीए) र गोल्डस्टार जुत्ताको किरन सुज

  • कुन कुन देशले खेल्ने भए विश्वकप क्रिकेट ?

    कुन कुन देशले खेल्ने भए विश्वकप क्रिकेट ? काठमाडौं, १० चैत । आईसीसी विश्वकप क्रिकेट छनोट खेलमा सुपर सिक्स चरणका खेल समाप्तीसँगै विश्वकपमा खेल्ने १० राष्ट्रको टुंगो लागेको छ । सुपरसिक्सको अन्तिम खेलमा अफगानिस्तानले आयरल्याण्डलाई पराजित गरेसँगै उसले विश्वकपमा स्थान बनाएको हो ।

  • ब्राजिल, अर्जेन्टिना र पोर्चुगल विजयी

    ब्राजिल, अर्जेन्टिना र पोर्चुगल विजयी काठमाडौं, १० चैत । विश्वकप तयारी स्वरुप शुक्रबार राति भएको अन्तर्राष्ट्रिय मैत्रीपूर्ण फुटबल खेलमा ब्राजिल, अर्जेन्टिना र पोर्चुगल विजयी भएका छन् । खेलमा साविक विश्वकप विजेता जर्मनी स्पेनसँग १–१ को बराबरीमा रोकिएको छ । स्पेनका रोड्रिगो मोरेनोले टोलीलाई

  • बडी बिल्डिङको अध्यक्षमा विक र महासचिवमा बज्राचार्य

    बडी बिल्डिङको अध्यक्षमा विक र महासचिवमा बज्राचार्य काठमाडौं, ३ चैत । हिमालय किङडम नेप्लिज फेडेरेसन अफ बडी बिल्डिङ एन्ड फिट्नेसको अध्यक्षमा शिव लामिछाने विक निर्विरोध निर्वाचित भएका छन् । संघको पहिलो साधारणसभाले विकको अध्यक्षतामा २६ सदस्यीय केन्द्रीय कार्यसमिति समेत निर्विरोध चयन गरेको हो ।

  • नेपाललाई ऐतिहासिक उपलब्धि, क्रिकेटमा एक दिवसीय मान्यता

    नेपाललाई ऐतिहासिक उपलब्धि, क्रिकेटमा एक दिवसीय मान्यता काठमाडौं, चैत । नेपाली क्रिकेट टोलीले इतिहास रच्दै पहिलो पटक अन्तर्राष्ट्रिय एक दिवसीय क्रिकेटको मान्यता पाएको छ । विश्वकप यात्रा टुंगिए पनि आईसीसी विश्वकप छनोटको पहिलो प्लेअफ खेलमा नेपालले पपुवा न्यूगिनीविरुद्ध शानदार जित हात पार्दै अन्तर्राष्ट्रिय एक दिवसीय क्रिकेटको मान्यता पाउन सफल भएको हो