मनोरंजन

भलिबल कोर्टदेखि चलचित्रसम्म सफल सिपोरा

काठमाडौं, भदौ । भलिबल खेलबाट नाम स्थापित बनाउन सफल सिपोरा गुरुङले चलचित्रबाट पनि उत्तिकै सम्भावना देखाएकी छन् । राम्रो सट हानेर बेस्ट स्पाइकरको रूपमा खेल प्रेमीमाझ पहिचान बनाएकी सिपोरा अहिले चलचित्र क्षेत्रमा चम्किएकी छन् । 

नेपालका तर्फबाट सबैभन्दा कम उमेरमा अन्तर्राष्ट्रिय खेलकुदमा भाग लिएर पदक जितेकी सिपोरा २०६७ सालको पपुलर प्लेयर अफ दी इयर उपाधि विजेता हुन् । उनले ‘द घलेक–द साइन अफ लभ’ र ‘यम्फावती द प्रिन्सेस’ फिल्ममा समेत अभिनय गरिसकेकी छिन् । उनी मिस नेपाल प्रतियोगिता–२०१३ की प्रतिस्पर्धी समेत हुन् । 

अहिले सिपोरा अभिनित चलचित्र ‘भूईँमान्छे’ प्रदर्शन भइरहेको छ । उक्त चलचित्रबाट सिपोराले अभिनयमा पनि राम्रो संभावना देखाएकी हुन् । ‘भूईमान्छे’को सबैभन्दा बलियो पक्षमध्ये सिपोराको अभिनय पनि एक भएको दर्शकले प्रतिक्रिया दिएका छन् । शव चिर्ने एक व्यक्तिको मनोविज्ञान प्रस्तुत गरिएको फिल्म ‘भूईँमान्छे’मा सिपोराको अभिनयको अहिले राम्रै तारिफ भैरहेको छ । ‘भूईँमान्छे’ हेर्नेले उनको अभिनयको तारिफ गरेका छन् । 

डाक्टर पढ्न राजनीतिक सोसफोर्सको अभावका कारण नसकेपछि लास चिर्ने पेशा गर्दै आएको एक व्यक्ति र उसको दैनिकीसँग यो चलचित्र जोडिएको छ । लास चिर्ने पेशामा काम गर्ने एक अधवैशे पुरुष र उसको छिमेकी यूवतीविचको प्रेम, भावनाको कथालाइ निर्देशकले निकै रोचक कथामा बुनेका छन् । चलचित्रको कथावस्तु भिन्न भएकाले पनि चलचित्रलाई दर्शकको साथ पाएको हुनसक्छ । कलाकार रमेश वुढाथोकीले चलचित्रमा बेजोड अभिनय गरेका छन् । रमेशको करिअरकै केही उत्कृष्ट चलचित्रमध्ये यो एउटा पनि पर्ने पक्का छ । 

त्यसो त चलचित्र क्षेत्रमा वर्षेनी धेरै नौला अनुहारको प्रवेश हुन्छन् । कोही आफ्नो उद्देश्य अनुरुप अघि बढ्छन् भने कोही कसरी आए कसरी गए अत्तोपत्तो हुँदैन । कला क्षेत्रमा स्थापित हुनको लागि सबैभन्दा पहिलो पक्ष भनेको अब्बल अभिनय नै हो । जुन कुरा चलचित्र भुइँमान्छेमार्फत सिपोराले दर्शकमाझ देखाएकी छन् । 

 

उस्तै उस्तै खबरहरु

  • बक्स अफिस म्यूजिक भिडियो अवार्ड ३० विधामा, तयारी धमाधम

    बक्स अफिस म्यूजिक भिडियो अवार्ड ३० विधामा, तयारी धमाधम काठमाडाैं, जेठ । नेशनल बक्स अफिस म्यूजिक भिडियो अवार्डको तयारी तीव्र पारिएको छ । गत वर्षदेखि यो वर्षको बैशाखसम्म सार्वजनिक भएको विभिन्न गीत संगीतहरुलाई छनोट गरी बक्स अफिस म्यूजिक भिडियो अवार्ड प्रदान गर्न लागिएको आयोजक संस्था बक्स अफिस इन्टरनेशनल ग्रुपका अध्यक्ष रामबहादुर सुवेदी (आर.के.)ले बताए ।

  • नायक शिवले बनाउने भए ‘एउटा यस्तो प्रेम कहानी’

    नायक शिवले बनाउने भए ‘एउटा यस्तो प्रेम कहानी’ काठमाडौं, २ बैशाख । पुराना नायक शिव श्रेष्ठ पनि चलचित्र निर्माणमा जुटेका छन् । हालै काठमाडौंमा भएको एक कार्यक्रममा उपराष्ट्रपति नन्दकिशोर पुनको उपस्थितिमा चलचित्र ‘एउटा यस्तो प्रेम कहानी’को शुभ मुहूर्त गरिएको हो ।

  • ब्लकबस्टर अवार्ड भव्यरूपमा सम्पन्न

    ब्लकबस्टर अवार्ड भव्यरूपमा सम्पन्न काठमाडौं, ३० चैत । बक्स अफिस फिल्मी क्लब नेपालको आयोजनामा ‘ब्लक बस्टर अवार्ड’ भव्यरुपमा सम्पन्न भएको छ । नयाँ वर्ष २०७५ सालको शुभकामना आदानप्रदानसँगै यो वर्षभरी प्रदर्शनमा आएका सफल चलचित्रका निर्माता तथा निर्देशकहरुलाई अवार्ड प्रदान गरिएको हो ।

  • बेलतायबाटै समाजसेवामा नेपाली चेली प्रसुना

    बेलतायबाटै समाजसेवामा नेपाली चेली प्रसुना काठमाडौं, चैत । लामो समयदेखि बेलायत बसेर आफ्नो छुट्टै पहिचान बनाएकी नेपाली चेली प्रसुना कँडेल पेशाले नर्स हुन् । नेपाल नर्सिङ एसोशिएसन यूकेकी अध्यक्ष समेत रहेकी उनी विरामीहरुको सेवामा अहोरात्र खटिन्छिन् । त्यतिमात्र नभएर उनी बहुमुखी प्रतिभाकी धनी छिन् ।

  • राधे औसत चलचित्रः निर्माता सुशील पोखरेल

    राधे औसत चलचित्रः निर्माता सुशील पोखरेल काठमाडौं, १२ चैत । नयाँ वर्ष २०७५ को अवसर पारेर आयोजना हुन लागेको ब्लक बस्टर अवार्डको मनोनयनमा छनोट भएका एक दर्जन बढी चलचित्रभित्र पर्न सफल चलचित्र हो– राधे । वि.स. २०७४ सालमा प्रदर्शनमा आएका चलचित्रहरुको व्यावसायिक सफलतालाई मध्यनजर गरेर ब्लकबस्टर अवार्ड प्रदान गर्न लागिएको हो ।

  • ‘उल्झन’को बेल्जियम र बेलायत प्रिमियर भव्य

    ‘उल्झन’को बेल्जियम र बेलायत प्रिमियर भव्य काठमाडौं, चैत । आफ्नो मातृभूमि छोडेर विगत लामो समयदेखि बेल्जियममा कर्म थलो बनाएका नायक बेनीज्योति ढुंगाना र निर्माता तेजेन्द्र कँडेलले पछिल्लो पटक निर्माण गरेको चलचित्र उल्झनले बेल्जियम र बेलायतमा प्रिमियर शो सम्पन्न गरेको छ ।